ബന്ധുവായ റബീഹിന്റെ കളി നേരില്‍ കാണാനാണ് അവര്‍ പുറപ്പെട്ടത്. ഹൈദരാബാദ് ടീമില്‍ കളിക്കാരനായിരുന്നു റബീഹ്. റബീഹിന്റെ വേറെയും സുഹൃത്തുക്കളുണ്ടായിരുന്നു കൂടെ. രണ്ട് ബൈക്കുകളിലും കാറിലുമായാണ് ഇവര്‍ യാത്ര ചെയ്തത്. കാറില്‍ സഞ്ചരിച്ചിരുന്നവര്‍ മംഗളൂരിലെത്തിയപ്പോള്‍ ബൈകില്‍ വരികയായിരുന്നവരെ കാണാത്തതിനെ തുടര്‍ന്ന് ഫോണില്‍ വിളിച്ചപ്പോള്‍ പൊലിസ് എടുത്തതിനെ തുടര്‍ന്നാണ് ഇരുവര്‍ക്കും അപകടം സംഭവിച്ച വിവരം അറിഞ്ഞത്.

കാസര്‍കോട് ഉദുമ പള്ളത്ത് വെച്ച് പുലര്‍ച്ചെ അഞ്ചരയോടെയാണ് അപകടമുണ്ടായത്. ഇവര്‍ സഞ്ചരിച്ച ബൈക്ക് മീന്‍ലോറിയില്‍ ഇടിക്കുകയായിരുന്നു.

മലപ്പുറം ചെറുകുന്ന് ഒതുക്കുങ്ങല്‍ അഞ്ച് കണ്ടല്‍ ഹൗസിലെ സുബൈറിന്റെയും ജസീനയുടെയും മകനാണ് മുഹമ്മദ് ഷിബില്‍ (20)
സഹോദരങ്ങള്‍: മുഹമ്മദ് റുമൈസ്, മുഹമ്മദ് അഷ്മിന്‍, ഫാത്തിമ ഫിദ .
ഒതുക്കുങ്ങല്‍ പള്ളിത്തൊടിയിലെ അബ്ദുല്‍ കരീം ചെറുകുന്ന് ജമീല ദമ്പതികളുടെ മകനാണ് ജംഷീര്‍ ( 22)
സഹോദരങ്ങള്‍: ജംഷാദ്, നൗഫല്‍,നിഹാല്‍, ജുമൈല.