മഡ്ഗാവ്: പനാല്‍ട്ടി ഷൂട്ടൗട്ടിലേക്ക് നീണ്ട ആവേശകരമായ ഐ.എസ്.എല്‍ കലാശപ്പോരാട്ടത്തില്‍ കേരാളാ ബ്ലാസ്റ്റേഴസിനെ പരാജയപ്പെടുത്തി ഹൈദരാബാദ് കപ്പില്‍ മുത്തമിട്ടു.
ബ്ലാസ്റ്റേഴ്‌സ് ക്യാപ്റ്റ്ന്‍ അഡ്രിയാന്‍ ലൂണയുടെ വലതു വിങ്ങിലൂടെയുള്ള മികച്ച മുന്നേറ്റത്തോടെയാണ് മത്സരം ആരംഭിച്ചത്. നിരവധി അവസരങ്ങള്‍ ബ്ലാസ്‌റ്റേഴ്‌സിന് ലഭിച്ചെങ്കിലും ഗോള്‍ മാത്രം പിറന്നില്ല.

ആദ്യപകുതി സമനിലയില്‍ പിരിഞ്ഞെങ്കിലും പന്ത് കൈവശം വയ്ക്കുന്നതിലും മുന്നേറ്റത്തിലും ബ്ലാസ്റ്റേഴ്‌സ് തന്നെയായിരുന്നു മുന്നില്‍. എന്നാല്‍ മിന്നല്‍ കൗണ്ടര്‍ അറ്റാക്കുമായി ഹൈദരാബാദ് മുന്നേറി. ആദ്യ പകുതിക്കു ശേഷം 68ാം മിന്നിറ്റില്‍ മലയാളി താരം കെ.പി രാഹുലിന്റെ ഗോളില്‍ ബ്ലാസ്റ്റേഴ്‌സ് മുന്നിലെത്തി.

സമനില പിടിക്കാന്‍ ഹൈദരാബാദ് കിണഞ്ഞു പരിശ്രമിച്ചെങ്കിലും ഗോളുകള്‍ ഒഴിഞ്ഞുനിന്നു. എന്നാല്‍ 88ാം മിനിട്ടില്‍ സഹില്‍ ടവേരയിലൂടെ ഗോളില്‍ ഹൈദരാബാദ് സമനില നേടി. ഇതോടെ മത്സരം അധിക സമയത്തിലേക്കു നീണ്ടു. അധിക സമയത്തെ കളി സമനിലയില്‍ അവസാനിച്ചതോടെ മത്സരം പനാല്‍ട്ടി ഷൂട്ടൗട്ടിലേക്ക് നീണ്ടു. പനാല്‍ട്ടി ഷൂട്ടൗട്ടില്‍ കേരളാ ബ്ലാസ്റ്റേഴ്‌സ് താരങ്ങളുടെ മൂന്ന് കിക്കുകള്‍ തടഞ്ഞ് ഹൈദരാബാദ് ഗോള്‍ കീപ്പര്‍ കട്ടിമണി ഹൈദരാബാദിനെ വിജയത്തിലെത്തിക്കുകയായിരുന്നു.