വെഞ്ഞാറമൂട്: ഫയര്‍ ആന്‍ഡ് റെസ്‌ക്യൂ സ്റ്റേഷനിലെ ഫയര്‍മാന്‍ വിപിന്‍ ഫയര്‍ ആന്‍ഡ് റെസ്‌ക്യു ഡയരക്ടര്‍ ജനറലിന്റെ കമന്റേഷന്‍ സര്‍ട്ടിഫിക്കറ്റിന് അര്‍ഹനായി. ചെമ്പൂര് മുദാക്കലില്‍ കിണര്‍ വൃത്തിയാക്കാനിറങ്ങിയ ബധിരനും മൂകനുമായ ആളിനെ കിണറില്‍വച്ച് പാമ്പ് ചുറ്റിയ അവസ്ഥയില്‍ നിന്നും അതിസാഹസികമായി രക്ഷപ്പെടുത്തിയതിനാണ് ഡിപ്പാര്‍ട്ട്‌മെന്റിന്റെ ഉപഹാരം. ഇതിന്റെ ഭാഗമായി വെഞ്ഞാറമൂട് ഫയര്‍‌സ്റ്റേഷനില്‍ നടന്ന ചടങ്ങില്‍ ഡി.കെ മുരളി എം.എല്‍.എ സര്‍ട്ടിഫിക്കറ്റ് സമര്‍പ്പണവും ഉപഹാരവിതരണവും നടത്തി. സ്റ്റേഷന്‍ ഓഫിസര്‍ പി. അനില്‍കുമാര്‍ അധ്യക്ഷനായി. തിരുവനന്തപുരം ഡിവിഷനല്‍ ഓഫിസര്‍ എം. നൗഷാദ് കാഷ് അവാര്‍ഡ് വിതരണവും നെല്ലനാട് പഞ്ചായത്ത് പ്രസിഡന്റ് സുജിത്ത് എസ്. കുറുപ്പ് പഠനസഹായ വിതരണവും തിരുവനന്തപുരം അസി. ഡിവിഷനല്‍ ഓഫിസര്‍ പി. ദിലീപന്‍ ചികിത്സാസഹായ വിതരണവും നടത്തി. അജിത്ത് കുമാര്‍, നിഷാന്ത് എന്നിവര്‍ സംസാരിച്ചു.