ചേളാരി. അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ് (അസ്മി ) പ്രൈമറി വിഭാഗം ആര്‍ട്‌സ് ഫെസ്റ്റ് സ്റ്റേറ്റ് മത്സരത്തില്‍ 204 പോയന്റ് നേടി ദഅവത് ഇംഗ്ലീഷ് മീഡിയം സ്‌കൂള്‍ ഒതുക്കുങ്ങല്‍ പോയന്റ് നേടി ഓവറോള്‍ ചാമ്പ്യന്‍ഷിപ്പ് കരസ്ഥമാക്കി. തര്‍ബിയതുല്‍ ഉലൂം ഇസ്ലാമിക് പ്രൈമറി സ്‌കൂള്‍ കരുവന്‍തിരുത്തി 159 പോയിന്റോടെ രണ്ടാം സ്ഥാനവും അല്‍ഹുദ ഇംഗ്ലീഷ് മീഡിയം ഹൈ സ്‌കൂള്‍ വട്ടപ്പറമ്പ് 151 പോയന്റോടെ മൂന്നാം സ്ഥാനവും നേടി. സബ് ജൂനിയര്‍ വിഭാഗത്തില്‍ ചെട്ടിയാം കിണര്‍ മനാറുല്‍ ഇസ്‌ലാം സ്‌കൂളിലെ മുഹമ്മദ് നാഫിഅ 18 പോയന്റ് നേടി കലാ പ്രതിഭയായും മുക്കം കാരാമൂല സ്വലാഹ് പബ്ലിക് സ്‌കൂളിലെ നീഹാ നാസ്മിന്‍ പി ടി 26 പോയന്റ് നേടി കലാ തിലകമായും തെരഞ്ഞെടുക്കപ്പെട്ടു.

ജൂനിയര്‍ വിഭാഗത്തിലെ കലാപ്രതിഭാ പട്ടം21 പോയന്റ് വട്ടപ്പറമ്പ് അല്‍ ഹുദ സ്‌കൂളിലെ മുഹമ്മദ് അമീന്‍ കരസ്ഥമാക്കി. 26 പോയന്റ് നേടി കരുവന്‍തിരുത്തി തര്‍ബിയതുല്‍ ഉലൂം സ്‌കൂളിലെ ആയിശ ഫില്‍സയാണ് കലാ തിലകമായി തെരഞ്ഞെടുക്കപ്പെട്ടത്. വെളിമുക്ക് ക്രസന്റ് റസിഡന്‍ഷ്യല്‍ ഹയര്‍സെക്കന്‍ഡറി സ്‌കൂളില്‍ നടന്ന മല്‍സരത്തില്‍ സബ്ജൂനിയര്‍, ജൂനിയര്‍ വിഭാഗങ്ങളിലായി 37 സ്‌കൂളുകളില്‍നിന്ന് 700 ഓളം വിദ്യാര്‍ത്ഥികള്‍ പങ്കെടുത്തു. 30 ഇനങ്ങളില്‍ 5 വേദികളിലായാണ് മല്‍സരം നടന്നത്. വൈകുന്നേരം നടന്ന സമാപന സമ്മേളനം സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് സെക്രട്ടറി ഡോ.എന്‍.എ.എം അബ്ദുല്‍ ഖാദര്‍ സാഹിബ് ഉദ്ഘാടനം ചെയ്യുകയും വിജയികള്‍ക്കുള്ള ട്രോഫികളും മെമന്റോകളും സമ്മാനിക്കുകയും ചെയ്തു. അസ്മി കോ ഓര്‍ഡിനേറ്റര്‍ അബ്ദു റഹീം ചുഴലി അധ്യക്ഷത വഹിച്ചു. കണ്‍വീനര്‍ മജീദ് പറവണ്ണ വിജയികളെ പ്രഖ്യാപിച്ചു. നവാസ് ദാരിമി ഓമശ്ശേരി, മുസ്തഫ ഉസ്താദ്, എ ഡി മുഹമ്മദ് പി പി പ്രസംഗിച്ചു.