ശ്രീലങ്ക: സാമ്പത്തിക പ്രതിസന്ധിയില്‍ വിയര്‍ത്ത് ശ്രീലങ്ക. മണിക്കൂറുകളോളം പെട്രോള്‍ പമ്പില്‍ ക്യൂനിന്ന രണ്ട് വയോധികര്‍ ശ്രീലങ്കയില്‍ കുഴഞ്ഞുവീണു മരിച്ചു. 70 വയസ്സ് പ്രായമുള്ള ഒരു ഓട്ടോ ഡ്രൈവറും മറ്റൊരു ടാക്‌സി ഡ്രൈവറുമാണ് മണിക്കൂറുകള്‍ നീണ്ട ക്യൂവില്‍നിന്ന് കുഴഞ്ഞുവീണ് മരിച്ചതെന്ന് ഔദ്യോഗിക വൃത്തങ്ങളെ ഉദ്ധരിച്ച് അല്‍ജസീറ ചാനല്‍ റിപ്പോര്‍ട്ട് ചെയ്തു.

ഇന്ധനം കിട്ടാതായതോടെ പമ്പുകള്‍ക്കു മുന്നില്‍ മണിക്കൂറുകള്‍ നീളുന്ന നീണ്ട ക്യൂവാണ് രൂപപ്പെട്ടത്. നാലു മണിക്കൂറിലേറെ ക്യൂവില്‍ നിന്നതിനെ തുടര്‍ന്നാണ് ഈ എഴുപതുകാരന്‍ കുഴഞ്ഞുവീണ് മരിച്ചത്. സമാനമായ സാഹചര്യത്തിലാണ് മറ്റൊരു 72കാരനും മരിച്ചതെന്ന് വാര്‍ത്താ കുറിപ്പില്‍ പറയുന്നു.

പെട്രോളിനും ഡീസലിനും നാല്‍പ്പത് ശതമാനം വില കൂടിയതോടെയാണ് ഇന്ധനക്ഷാമം രൂക്ഷമായത്.