പാലക്കാട്: പുതുശ്ശേരിയില്‍ ഡി.വൈ.എഫ്.ഐ പ്രവര്‍ത്തകന് വെട്ടേറ്റു. വൈകിട്ട് അഞ്ചുമണിയോടെയായിരുന്നു സംഭവം. നീളിക്കാട് യൂണിറ്റ് ഡിവൈഎഫ്‌ഐ പ്രസിഡന്റ് അനുവിനെയാണ് വെട്ടിപരുക്കേല്‍പ്പിച്ചത്. ചെവിയിലും കൈയ്യിലുമാണ് വെട്ടേറ്റത്. സംഭവത്തിന് പിന്നില്‍ ആര്‍എസ്എസ് പ്രവര്‍ത്തകരാണെന്നാണ് സി.പി.എം ആരോപിക്കുന്നത്.

ബൈക്കിലെത്തിയ സംഘം ആക്രമിക്കുകയായിരുന്നെന്ന് അനു പറഞ്ഞു. പരുക്ക് സാരമുള്ളതല്ല. ഇയാളെ ജില്ലാ ആശുപത്രിയില്‍ പ്രവേശിപ്പിച്ചു.