തവനൂര്‍: കെ.ടി ജലീലിന്റെ ഒക്കത്തിരുന്ന് എതിര്‍സ്ഥാനാര്‍ഥിയായ ഫിറോസ് കുന്നംപറമ്പിലിനെ ചോദിച്ച കുഞ്ഞിനെ തേടി ചോക്ലേറ്റുകളുമായി ഫിറോസെത്തി. ചോക്ലേറ്റ് പെട്ടിയും രണ്ട് കിറ്റ്കാറ്റ് പാക്കറ്റും ഡയറി മില്‍ക്കുമായാണ് ഫിറോസ് കുന്നംപറമ്പില്‍ കുട്ടിയുടെ അടുത്തെത്തിയത്.

[video width="480" height="848" mp4="https://suprabhaatham.com/wp-content/uploads/2021/03/firoz-kummamprambil.mp4"][/video]

തവനൂരില്‍ മണ്ഡലപര്യടനത്തിനിടെയാണ് കെ.ടി ജലീലിന് ' തിരിച്ചടി' നേരിട്ടത്. ഇതിന്റെ വീഡിയോ സമൂഹമാധ്യമങ്ങളില്‍ വൈറലാവുകയായിരുന്നു. 'ആരാ നമ്മുടെ സ്ഥാനാര്‍ഥി?' കെ.ടി ജലീല്‍ തന്റെ കൈയ്യിലിരുന്ന കുഞ്ഞിനോട് ചോദിച്ചു. 'ഫിറോസിക്ക' ഒരു ഭാവഭേദവുമില്ലാതെ കുഞ്ഞ് മറുപടി പറയുകയായിരുന്നു.

[playlist type="video" ids="935241"]

കുട്ടിയുടെ അപ്രതീക്ഷിത മറുപടിയില്‍ ഒന്ന് പതറിയെങ്കിലും ചിരിച്ചുകൊണ്ടാണ് അദ്ദേഹം സന്ദര്‍ഭത്തെ നേരിട്ടത്. രണ്ട് തവണ ആവര്‍ത്തിച്ച് ചോദിച്ചപ്പോഴും കുട്ടിയുടെ മറുപടി ഒന്നുതന്നെയായിരുന്നു.

തവനൂരില്‍ കെ.ടി ജലീലാണ് എല്‍.ഡി.എഫ് സ്ഥാനാര്‍ഥിയായി മത്സരിക്കുന്നത്. ഫിറോസ് കുന്നംപറമ്പിലാണ് യു.ഡി.എഫ് സ്ഥാനാര്‍ഥി.