റിയാദ്: വിശുദ്ധ റമദാനില്‍ പൊതുമേഖലാ ജീവനക്കാരുടെ സമയം പ്രഖ്യാപിച്ചു. ദിനേന അഞ്ചു മണിക്കൂർ നേരമാണ് ഡ്യൂട്ടി സമയം. സഊദി മാനവശേഷി, സാമൂഹിക വികസന മന്ത്രാലയമാണ് സമയം പ്രഖ്യാപിച്ചത്. കൊവിഡ് വ്യാപനം തടയുന്ന മുന്‍കരുതല്‍, പ്രതിരോധ നടപടികള്‍ തുടരേണ്ടതിനാല്‍ ജീവനക്കാര്‍ മൂന്നു ഗ്രൂപ്പുകളായി തിരിഞ്ഞാണ് ഡ്യൂട്ടിക്ക് ഹാജരാകേണ്ടത്.

ആദ്യ ഗ്രൂപ്പിന്റെ ഡ്യൂട്ടി സമയം രാവിലെ ഒമ്പതര മുതല്‍ ഉച്ചക്ക് രണ്ടര വരെയും രണ്ടാമത്തെ ഗ്രൂപ്പിന്റെ ജോലി സമയം രാവിലെ പത്തര മുതല്‍ വൈകീട്ട് മൂന്നര വരെയും മൂന്നാമത്തെ ഗ്രൂപ്പിന്റെ ഡ്യൂട്ടി സമയം രാവിലെ പതിനൊന്നര മുതല്‍ വൈകീട്ട് നാലരെ വരെയുമായിരിക്കും. കൊവിഡ് മുൻകരുതൽ നടപടിയുടെ ഭാഗമായി ഓരോ ഗ്രൂപ്പിന്റെയും ഡ്യൂട്ടി സമയം തമ്മില്‍ ഒരു മണിക്കൂറിന്റെ അന്തരം നിര്‍ണയിച്ചിട്ടുണ്ട്.