ഹൈദരാബാദ്: ന്യൂസിലന്‍ഡിനെതിരായ ആദ്യ ഏകദിന മത്സരത്തില്‍ ഇന്ത്യക്ക് ജയം. ന്യൂസിലന്‍ഡിന് എതിരായ ആദ്യ ഏകദിനത്തില്‍ 350 റണ്‍സ് വിജയലക്ഷ്യം പടുത്തുയര്‍ത്തിയിട്ടും 78 പന്തില്‍ 140 റണ്‍സ് നേടിയ മൈക്കല്‍ ബ്രേസ്‌വെല്ലിന്റെ മുന്നില്‍ അവസാന നിമിഷം വരെ വിറച്ച ഇന്ത്യ നാല് പന്ത് ബാക്കിനില്‍ക്കേ 12 റണ്‍സിന്റെ ജയം സ്വന്തമാക്കുകയായിരുന്നു. സ്‌കോര്‍: ഇന്ത്യ349/8 (50), ന്യൂസിലന്‍ഡ്337 (49.2). ഇന്ത്യക്കായി ശുഭ്മാന്‍ ഗില്‍ ഇരട്ട സെഞ്ചുറി നേടിയപ്പോള്‍ മുഹമ്മദ് സിറാജ് നാല് വിക്കറ്റ് സ്വന്തമാക്കി.