കാഞ്ഞങ്ങാട്: ജില്ലയിലെ മുസ്‌ലിം ലീഗ് എം.എല്‍.എമാരായ എന്‍.എ നെല്ലിക്കുന്ന്, പി.ബി അബ്ദുറസാഖ് എന്നിവര്‍ക്ക് സ്വീകരണവും മാണിക്കോത്ത് ശാഖാ മുസ്‌ലിം ലീഗ് സമ്മേളനവും 22നു മാണിക്കോത്ത് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 22ന് വൈകീട്ട് നാലിന് മഡിയന്‍ ജങ്ഷനില്‍ പൊതുസ മ്മേളനം ലീഗ്  സംസ്ഥാന പ്രവര്‍ത്തക സമിതി അംഗം മെട്രോ മുഹമ്മദ് ഹാജി ഉദ്ഘാടനം ചെയ്യും.  
നാളെ വൈകുന്നേരം നാലിനു അതിഞ്ഞാല്‍ തെക്കേപ്പുറം മുതല്‍ സമ്മേളന നഗരിയായ മാണിക്കോത്ത് കവല  വരെ വിളംബര ജാഥ നടക്കും.
22ന് രാവിലെ ഒന്‍പതിനു മാണിക്കോത്ത് ശാഖാ യൂത്ത് ലീഗിന്റെ നേതൃത്വത്തില്‍ കെ.എച്ച്.എം മെഡിക്കല്‍ ആശുപത്രിയുടെ സഹകരണത്തോടെ രക്ത നിര്‍ണയ ക്യാംപ് നടക്കും. തുടര്‍ന്ന്   ഗ്രീന്‍ സ്റ്റാര്‍ മാണിക്കോത്തിന്റെയും എം.എസ്.എഫ് മാണിക്കോത്ത് ശാഖയുടെയും നേതൃത്വത്തില്‍ രാവിലെ 11നു ട്രാഫിക്  ബോധവല്‍ക്കരണവും ലഹരി മുക്ത ക്യാംപയിനും മഡിയന്‍ കവലയില്‍ നടക്കും.
വാര്‍ത്താസമ്മേളനത്തില്‍ ശാഖാ പ്രസിഡന്റ് മുബാറക് ഹസൈനാര്‍ ഹാജി, ജന.സെക്രട്ടറി എം.എം അബ്ദുറഹ്മാന്‍, മുഹമ്മദ് സു ലൈമാന്‍, സന മാണിക്കോത്ത്, ബദറുദ്ദീന്‍ പാലക്കി, എം.സി ശംസുദ്ദീന്‍ എന്നിവര്‍ സംബന്ധിച്ചു.