റിയാദ്: ലോകഫുട്ബാളിലെ വമ്പന്‍ താരങ്ങള്‍ അണിനിരന്ന റിയാദ് സീസണ്‍ കപ്പ് സൗഹൃദ മത്സരത്തില്‍ പി.എസ്.ജിക്ക് ജയം. വിജയികള്‍ക്ക് വേണ്ടി ലയണല്‍ മെസ്സി (രണ്ടാം മിനിറ്റ്), മാര്‍ക്കിഞ്ഞോസ് (42), സെര്‍ജിയോ റാമോസ് (53), കിലിയന്‍ എംബാപ്പെ (പെനാല്‍റ്റി, 60), ഹ്യൂഗോ എകിറ്റെക്കേ (78) എന്നിവര്‍ ഗോള്‍ നേടി. റിയാദ് ഓള്‍ സ്റ്റാര്‍ ഇലവനായി ക്രിസ്റ്റ്യാനോ റൊണാള്‍ഡോ 33ാം മിനിറ്റിലും ഒന്നാം പകുതിയുടെ ഇഞ്ച്വറി സമയത്തും ഗോളടിച്ചു. 56ാം മിനിറ്റില്‍ ഹ്യൂയോണ്‍ സൂ ജാങ്ങ് ആതിഥേയ ടീമിന്റെ മൂന്നാം ഗോളിനുടമയായി. ഓള്‍ സ്റ്റാര്‍ ഇലവന്റെ അവസാന ഗോള്‍ 94ാം മിനിറ്റില്‍ ആന്‍ഡേഴ്‌സന്‍ ടാലിസ്‌ക നേടി. അമിതാഭ് ബച്ചനായിരുന്നു മത്സരത്തിലെ മുഖ്യാതിഥി.