ഇടുക്കി: കൊടിക്കുത്തിയ്ക്ക് സമീപം വിനോദസഞ്ചാരികള്‍ സഞ്ചരിച്ച വാഹനം കൊക്കയിലേക്ക് മറിഞ്ഞ് ഡ്രൈവര്‍ അടക്കം 21 പേര്‍ക്ക് പരുക്കേറ്റു. സാരമായി പരുക്കേറ്റ എട്ടുപേരെ കാഞ്ഞിരപ്പള്ളി ജനറല്‍ ആശുപത്രിയിലേക്ക് മാറ്റി. ആരുടേയും നില ഗുരുതരമല്ല. താനെ സ്വദേശികളാണ് അപകടത്തില്‍പെട്ടത്.

തേക്കടിയില്‍ നിന്ന് കൊടിക്കുത്തിമലയിലേക്ക് പോവുകയായിരുന്നു വാഹനം. അന്‍പത് അടിയോളം താഴ്ച്ചയിലേക്കാണ് വാഹനം മറിഞ്ഞത്. എന്നാല്‍ ഒരു തെങ്ങില്‍ തട്ടി വാഹനം നിന്നത് വന്‍ദുരന്തം ഒഴിവായി.