തൃക്കരിപ്പൂര്‍: ഗവ. പോളിടെക്‌നിക് കോളജില്‍ എം.എസ്.എഫ് പ്രവര്‍ത്തകന് മര്‍ദനം. പരുക്കേറ്റ പടന്നക്കടപ്പുറം സ്വദേശിയും കോളജ് രണ്ടാം വര്‍ഷ വിദ്യാര്‍ഥിയുമായ വി.കെ മുഷ്താഖി(19) നെ കാഞ്ഞങ്ങാട് സ്വകാര്യ ആശുപത്രിയില്‍ പ്രവേശിപ്പിച്ചു. ക്ലാസിലിരിക്കുകയായിരുന്ന മുഷ്താഖിനെ സംഘം ചേര്‍ന്നെത്തിയ എസ്.എഫ്.ഐ പ്രവര്‍ത്തകരാണ് അക്രമിച്ചതെന്ന് എം.എസ്.എഫ് ആരോപിച്ചു.
കഴിഞ്ഞ ആഴ്ചയും എം.എസ്.എഫ്പ്രവര്‍ത്തകന് മര്‍ദനമേറ്റിരുന്നു. ഇതു സംബന്ധിച്ച് ചന്തേര പൊലിസില്‍ എം.എസ്.എഫ് പരാതി നല്‍കിയിരുന്നു.