തൃക്കരിപ്പൂര്‍: പൂരക്കളിയുടെ ഉന്നമനത്തിനായി ജീവിതം സമര്‍പ്പിച്ച പൊക്കന്‍ പണിക്കര്‍ക്ക് ആദരവ് നല്‍കി തൃക്കരിപ്പൂര്‍ ഫോക്‌ലാന്റിന്റെ ഫോക്‌ലോര്‍ ദിനാചരണത്തിനു തുടക്കമായി. വിവിധ മേഖലകളില്‍ പ്രാഗത്ഭ്യം തെളിയിച്ച 27 കലാകരന്‍മാരെയാണ് ആദരിക്കുന്നത്. ഗ്രാമപഞ്ചായത്ത് പ്രസിഡന്റ് എം.ടി അബ്ദുല്‍ ജബാര്‍ പൊക്കന്‍ പൊന്നടയണിയിച്ചു. ഫോക്‌ലാന്റ് ചെയര്‍മാന്‍ ഡോ. വി ജയരാജന്‍ അധ്യക്ഷനായി. പഞ്ചായത്ത് അംഗങ്ങളായ വി.കെ കരുണാകരന്‍, പുഷ്പലത, കെ സുരേശന്‍ പ്രസംഗിച്ചു.