ന്യൂഡൽഹി
കേന്ദ്ര വിദ്യാഭ്യാസ സ്ഥാപനങ്ങളിൽ 38,773 തസ്തികകൾ ഒഴിഞ്ഞുകിടക്കുന്നതായി കേന്ദ്രം. ഇതിൽ 14,306 എണ്ണം അധ്യാപന മേഖലയിലാണ്. അതേസമയം, 2016 മുതൽ ആകെ 4,472 ഫാക്കൽറ്റി റിക്രൂട്ട്‌മെന്റുകൾ മാത്രമാണ് നടന്നതെന്നും രാജ്യസഭയിൽ ഡോ. വി. ശിവദാസൻ എം.പിയുടെ ചോദ്യത്തിന് മറുപടിയായി കേന്ദ്ര വിദ്യാഭ്യാസമന്ത്രി അറിയിച്ചു. കേന്ദ്ര വിദ്യാഭ്യാസ സ്ഥാപനങ്ങളിലെ അധ്യാപക തസ്തികകളിലെ ഒഴിവുകൾ ഇപ്രകാരമാണ്: ഐ.ഐ.ടികൾ 4,037, എൻ.ഐ.ടികൾ 2,460, ഐ.ഐ.ഐ.ടികൾ 608, ഐ.ഐ.എമ്മുകൾ 421, ഐ.ഐ.എസ്.ഇ.ആറുകൾ 66, എസ്.പി.എകൾ 57, മറ്റ് സി.എഫ്.ടി.ഐകൾ 249, കേന്ദ്ര സർവകലാശാലകൾ 6,408.