ദുബൈ
യു.എ.ഇയിലെ പ്രമുഖ വ്യവസായ സംഘം കശ്മിരിലെത്തി. ജമ്മു കശ്മിരിന്റെ സാമ്പത്തിക ഉന്നമനത്തിനായും വ്യവസായ അവസരങ്ങൾ അന്വേഷിക്കുന്നതിനുമായാണ് 36 അംഗ സംഘം താഴ്‌വരയിലെത്തിയത്. ദുബൈ എക്‌സ്‌പോയിൽ ലുലു ഗ്രൂപ്പ്, അൽമായ ഗ്രൂപ്പ്, എം.എ.ടി.യു ഇൻവെസ്റ്റ്‌മെന്റ് എൽ.എൽ.സി, ജി.എൽ എംപ്ലോയ്‌മെന്റ് ബ്രോക്കറേജ് എൽ.എൽ.സി, നൂൺ ഗ്രൂപ്പ് എന്നിവയുൾപ്പെടെ യു.എ.ഇ ആസ്ഥാനമായുള്ള കമ്പനികളുമായി ജമ്മു കശ്മിർ സർക്കാർ കരാറുകൾ ഒപ്പുവച്ചിരുന്നു. സർക്കാരിന്റെ കണക്കനുസരിച്ച് വിദേശ നിക്ഷേപകരിൽ നിന്ന് അടുത്ത ആറ് മാസത്തിനുള്ളിൽ ഏകദേശം 70,000 കോടി രൂപയുടെ നിക്ഷേപം വരുമെന്നാണ് പ്രതീക്ഷിക്കുന്നത്.