തിരുവനന്തപുരം: ലഹരിക്കേസില്‍ എക്‌സൈസ് പിടിയിലായ യുവാവിന്റെ അമ്മ ആത്മഹത്യ ചെയ്തു. തിരുവനന്തപുരം കഠിനംകുളം സ്വദേശി ഗ്രേസ് ക്ലമന്റ് (55) ആണ് മരിച്ചത്.

ഇന്നലെയാണ് നാല് ഗ്രാം എം.ഡി.എം.എയുമായി ഇവരുടെ മകന്‍ ഷൈനിനെ എക്‌സൈസ് പിടിയിലായത്. തുടര്‍നടപടികള്‍ക്ക് ശേഷം ഷൈനിനെ റിമാന്‍ഡ് ചെയ്തു.

മകനെ എക്‌സൈസ് പിടികൂടിയതിന് ശേഷം ഗ്രേസ് വലിയ മാനസിക സംഘര്‍ഷത്തിലായിരുന്നുവെന്നാണ് ബന്ധുക്കള്‍ പറയുന്നത്.

ശനിയാഴ്ച്ച പുലര്‍ച്ചെയോടെയാണ് ഗ്രേസ് ആത്മഹത്യ ചെയ്തത്. തൂങ്ങിയ നിലയില്‍ കണ്ടെത്തിയ ഗ്രേസിയെ ബന്ധുക്കള്‍ ആശുപത്രിയിലേക്കെത്തിച്ചെങ്കിലും അതിന് മുമ്പേ മരിച്ചിരുന്നു. മൃതദേഹം മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുകയാണ്.