മസ്‌കത്ത്: സമസ്ത കേരള ഇസ്‌ലാം മതവിദ്യഭ്യാസ ബോര്‍ഡിന് കീഴില്‍ ഒമാനില്‍ പ്രവര്‍ത്തിക്കുന്ന മദ്‌റസകളിലെ 5,7,10 ,12 ക്‌ളാസുകളിലെ പൊതുപരീക്ഷ ഇന്ന് വെള്ളിയാഴ്ച്ചയും നാളെ ശനിയാഴ്ച്ചയും ഓണ്‍ലൈനായി നടക്കും .

സമസ്തയുടെ വെബ്‌സൈറ്റിലൂടെ വിദ്യാര്‍ഥികള്‍ക്ക് നല്‍കിയ ഹാള്‍ടിക്കറ്റും ജനനതിയ്യതിയും ഉപയോഗിച്ചാണ് പരീക്ഷ നടക്കുന്നത്. മസ്‌കത്ത് റെയിഞ്ചിന്റെ മേല്‍നോട്ടത്തില്‍ പതിനേഴ് സെന്ററുകളിലായി നാനൂറോളം കുട്ടികളാണ് പരീക്ഷയില്‍ പങ്കെടുക്കുന്നത്. ആദ്യമായി ഓണ്‍ലൈന്‍ വഴി പൊതു പരീക്ഷ നടക്കുന്നതിനാല്‍ സമസ്തയുടെ പ്രത്യേക മോഡല്‍ പരീക്ഷ മാര്‍ച്ച് 31 ന് നടത്തിയിരുന്നു.

കൊവിഡ് കാരണം ഒരു വര്‍ഷത്തിലേറെയായി അടഞ്ഞ് കിടന്ന മദ്‌റസകള്‍ സമസ്ത ഓണ്‍ലൈന്‍ ക്ലാസുകള്‍ ഉപയോഗിക്കുന്നതോടൊപ്പം ഗൂഗുള്‍മീറ്റ്,സൂം തുടങ്ങിയ മീഡിയകള്‍ വഴിയാണ് ക്ലാസുകള്‍ നടക്കുന്നത്.

പരീക്ഷയുടെ മുഴവന്‍ ഒരുക്കങ്ങളും പൂര്‍ത്തിയായതായി മസ്‌കത്ത് റെയിഞ്ച് പരീക്ഷ ബോര്‍ഡ് ചെയര്‍മാന്‍ ഇമ്പിച്ചാലി മൗലവി, വൈസ് ചെയര്‍മാന്‍ യൂസുഫ് മൗലവി എന്നിവര്‍ അറിയിച്ചു.