കൊച്ചി: നടിയെ ആക്രമിച്ച കേസില്‍ ദിലീപിന്റെ ഭാര്യയും നടിയുമായ കാവ്യ മാധവനെ ഉടന്‍ ചോദ്യം ചെയ്യും. ദിലീപിന്റെ ചോദ്യം ചെയ്യലിന് പിറകെ കാവ്യമാധവനും അന്വേഷണ സംഘം നോട്ടിസ് നല്‍കും. നിരവധി സംശയങ്ങളും ദുരൂഹതകളും നീക്കാനായാണ് കാവ്യാമാധവനെകൂടി ചോദ്യം ചെയ്യുന്നത്. സംവിധായകന്‍ ബാലചന്ദ്രകുമാറിന്റെ വെളിപ്പെടുത്തലോടെയാണ് വീണ്ടും പഴയ സംശയങ്ങള്‍ ഉയര്‍ന്നുവന്നത്. ഒരു വി.ഐ.പിയിലേക്കും അന്വേഷണം നീണ്ടത്.

കേസില്‍ ഒരു മാഡമുണ്ടെന്നും അത് കാവ്യാമാധവനാണോ എന്ന സംശയവും സ്ഥിരീകരിക്കേണ്ടതുണ്ട്. കേസില്‍ മുഖ്യപ്രതി പള്‍സര്‍ സുനിയായിരുന്നു മാഡത്തെക്കുറിച്ചുള്ള ആദ്യ വെളിപ്പെടുത്തല്‍ നടത്തിയത്. നടിയുടെ അപകീര്‍ത്തികരമായ ദൃശ്യം പൊലിസ് പിടിയിലാകുന്നതിന് മുന്‍പ് മാഡത്തിന് കൈമാറിയെന്ന വിവരങ്ങളുണ്ടായിരുന്നു. എന്നാല്‍ മാഡത്തിനുള്ള പങ്കില്‍ കൃത്യമായ തെളിവുകള്‍ ലഭിക്കാത്തതിനാല്‍ പൊലിസിന് മുന്നോട്ട് പോകാന്‍ ആയില്ല.