ചെറുപുഴ: ചെറുപുഴ പെരിങ്ങോം വെള്ളൂര്‍ പയ്യന്നൂര്‍ റോഡ് മെക്കാഡം ടാറിങ് ഉടന്‍ ആരംഭിക്കാന്‍ നടപടി വേണമെന്ന് വ്യാപാരി വ്യവസായി ഏകോപനസമിതി ചെറുപുഴ യൂണിറ്റ് യോഗം ആവശ്യപ്പെട്ടു. കാലവര്‍ഷം ശക്തമായതോടെ ആയിരക്കണക്കിന് വാഹനങ്ങള്‍ കടന്നുപോകുന്ന റോഡ് പൂര്‍ണമായി തകര്‍ന്നു. അറ്റകുറ്റപ്പണികള്‍ക്കു നടപടി സ്വീകരിക്കാത്തതില്‍ യോഗം പ്രതിഷേധിച്ചു. യോഗത്തില്‍ പ്രസിഡന്റ് ജെ സെബാസ്റ്റ്യന്‍ അധ്യക്ഷനായി. കെ നിയാസ്, എ.ടി.വി രാജേഷ്, ടി.കെ റോയ്, ടി.എസ് മുരളി, കെ.പി ലക്ഷ്മണന്‍, കെ അരുണ്‍, എം.ആര്‍ മനോജ് സംസാരിച്ചു.