പാലക്കാട്: ഒരു ദിവസത്തെ ആശ്വാസത്തിന് ശേഷം പാലക്കാട് ധോണിയിൽ വീണ്ടും കാട്ടാനയിറങ്ങി.​ ധോണി ചേലക്കോട് ഭാഗത്താണ് ആനയിറങ്ങിയത്. നെൽപ്പാടത്ത് നിലയുറപ്പിച്ചിരിക്കുകയാണ് ആന. പ്രദേശത്തെ നെൽകൃഷിയും തെങ്ങുകളും കാട്ടാന നശിപ്പിച്ചിട്ടുണ്ട്. ആനയെ കാട് കയറ്റാനുള്ള ശ്രമം വനം വകുപ്പ് തുടങ്ങി.

ധോണി എന്ന് പേരുമാറ്റിയ പിടിസെവനെ പിടികൂടിയതിന് ശേഷവും മേഖലയിൽ കാട്ടാന ശല്യം തുടരുകയാണ് എന്ന് തെളിയിക്കുന്നതാണ് പുതിയ സംഭവം. ഏറെ ഭീതിപരത്തിയ പിടിസെവനെ പിടികൂടിയതിന് പിന്നാലെ അടുത്ത ആനയെത്തിയതോടെ ആശങ്കയിലാണ് നാട്ടുകാർ.