തിരുവനന്തപുരം: നേമത്ത് കോണ്‍ഗ്രസ് ബി.ജെ.പി പ്രവര്‍ത്തകര്‍ തമ്മില്‍ സംഘര്‍ഷം. കെ.മുരളീധരനെ ബി.ജെ.പി പ്രവര്‍ത്തകര്‍ യു.ഡി.എഫ് സ്ഥാനാര്‍ഥി കെ.മുരളീധരനെ തടഞ്ഞതുമായി ബന്ധപ്പെട്ടാണ് നേരിയ സംഘര്‍ഷമുണ്ടായത്.
ഇവിടെ പണം നല്‍കി വോട്ടു സ്വാധീനിക്കാന്‍ ശ്രമം നടത്തിയെന്നാണ് ബി.ജെ.പി. പ്രവര്‍ത്തകര്‍ ആരോപിക്കുന്നത്. ഇതെചൊല്ലിയായിരുന്നു സംഘര്‍ഷം. ആരോപണം യു.ഡി.എഫ് പ്രവര്‍ത്തകര്‍ നിഷേധിച്ചു. കെ. മുരളീധരന്റെ പ്രതികരണം അറിവായിട്ടില്ല. എന്നാല്‍ ഇപ്പോള്‍ പ്രശ്‌നമൊന്നുമില്ലെന്നാണ് ലഭിക്കുന്ന വിവരം.