കിഴിശ്ശേരി:  കിഴിശ്ശേരി  മിനി സ്‌റ്റേഡിയം സാമൂഹിക വിരുദ്ധര്‍ താവളമാക്കുന്നു. രാത്രി സമയങ്ങളില്‍ ഇവിടെ മദ്യപാനികളുടെ അഴിഞ്ഞാട്ടമാണെന്നു പ്രദേശവാസികള്‍ പറയുന്നു. രാത്രി 12നു ശേഷം ബൈക്കുകളിലും കാറുകളിലുമായി കഞ്ചാവടക്കമുള്ള ലഹരി വസ്തുക്കളുമായി എത്തുന്നവര്‍ രാത്രി വൈകുവോളം ഇവിടെ ക്യാമ്പ് ചെയ്യുന്നു.
സാമൂഹിക വിരുദ്ധ പ്രവര്‍ത്തനങ്ങളും ലഹരി പദാര്‍ഥങ്ങളുടെ കൈമാറ്റവും നടക്കുന്നുണ്ട്. ഇതു പരിസരങ്ങളിലുള്ള വീട്ടുകാര്‍ക്കു പ്രയാസം ഉണ്ടണ്ടാക്കുന്നു.
ലഹരിമാഫിയയെ പേടിച്ചാണു പരാതിപോലും നല്‍കാന്‍ നാട്ടുകാര്‍ മടിക്കുന്നത്. പ്രദേശങ്ങളില്‍ പൊലിസ് പെട്രോളിങ്  ഏര്‍പ്പെടുത്തണമെന്ന ആവശ്യം ശക്തമാകുന്നു.