ദുബൈ: ദുബൈയില്‍ സൗജന്യ പാര്‍ക്കിങ് ഇനി മുതല്‍ ഞായറാഴ്ച. വെള്ളിയാഴ്ചകളില്‍ അനുവദിച്ചിരുന്ന സൗജന്യ വാഹനപാര്‍ക്കിങ് സൗകര്യമാണ്
ഞായറാഴ്ചകളിലേക്ക് മാറ്റിയത്. ദുബൈ കിരീടാവകാശി ശൈഖ് ഹംദാനാണ് മാറ്റം പ്രഖ്യാപിച്ചത്.

യു.എ.ഇയില്‍ വാരാന്ത്യഅവധി മാറ്റത്തിന്റെ തുടര്‍ച്ചയാണ് ഈ തീരുമാനം.ഞായറാഴ്ച്ചയും മറ്റ് പൊതുഅവധി ദിവസങ്ങളിലുമാണ് പാര്‍ക്കിങ് സൗജന്യം ലഭിക്കുക.
പ്രവൃത്തി ദിവസങ്ങളില്‍ രാവിലെ 8 മുതല്‍ രാത്രി 10 വരെ 14 മണിക്കൂറാണ് പാര്‍ക്കിങിന് പണം ഈടാക്കുക.

ബഹുനില പാര്‍ക്കിങ് കേന്ദ്രങ്ങളില്‍ എല്ലാ ദിവസവും 24മണിക്കൂറും പാര്‍ക്കിങിന് ഫീസ് ഈടാക്കും. ചില മേഖലയില്‍ പാര്‍ക്കിങ് സമയത്തില്‍ ഇളവ് നല്‍കാനും, ചില വിഭാഗങ്ങള്‍ക്ക് പാര്‍ക്കിങ് ഫീ ഇളവ് നല്‍കാനും ആര്‍.ടി.എക്ക് അധികാരം നല്‍കും.