വാഴ്‌സോ: പോളണ്ടില്‍ മലയാളി കുത്തേറ്റു മരിച്ചു. തൃശൂര്‍ ഒല്ലൂര്‍ സ്വദേശി സൂരജ് (23) ആണ് മരിച്ചത്. ജോര്‍ജിയന്‍ പൗരന്‍മാരുമായുണ്ടായ വാക്കുതര്‍ക്കത്തിനിടെയാണ് കുത്തേറ്റത്.

ഒരാഴ്ചക്കിടെ രണ്ടാമത്തെ മലയാളിയാണ് ഇവിടെ കൊല്ലപ്പെടുന്നത്. പോളണ്ടിലെ ഇന്ത്യന്‍ എംബസിയാണ് സൂരജിന്റെ കുടുംബത്തെ വിവരം അറിയിച്ചത്.

അഞ്ചുമാസം മുമ്പാണ് സൂരജ് പോളണ്ടിലെത്തിയത്. അവിടെ ഒരു സ്വകാര്യ സ്ഥാപനത്തില്‍ അക്കൗണ്ടന്റായി ജോലി ചെയ്യുകയായിരുന്നു.