കൂത്തുപറമ്പ്: ബാങ്കിനകത്ത് ആത്മഹത്യക്ക് ശ്രമിച്ച ബാങ്ക് ബ്രാഞ്ച് മാനേജര്‍ മരിച്ചു. കൂത്തുപറമ്പ് പാലത്തുംകര സിന്റിക്കേറ്റ് ബാങ്ക് മാനേജര്‍ തൃശൂര്‍ സ്വദേശിനി സ്വപ്ന (45)യാണ് മരിച്ചത്.

ഇന്നു രാവിലെ ഒമ്പതോടെയാണ് സംഭവം. ഇവര്‍ തന്നെയാണ് രാവിലെ പതിവിലും നേരത്തെയെത്തി ബാങ്ക് തുറന്നത്. അതിനു ശേഷം ബാങ്കിലെത്തിയ ജീവനക്കാരാണ് ഇവര്‍ ആത്മഹത്യ ചെയ്ത നിലയില്‍ കണ്ടെത്തിയത്.

ജീവനുണ്ടെന്ന് തോന്നിയതിനാല്‍ ഉടന്‍ കൂത്തുപറമ്പ് പൊലിസിന്റെ ജീപ്പില്‍ കയറ്റി കൂത്തുപറമ്പ് താലൂക്ക് ആശുപത്രിയില്‍ എത്തിച്ചെങ്കിലും മരണപ്പെട്ടതായി സ്ഥിരീകരിച്ചു. നിര്‍മലഗിരിയില്‍ വാടക വീട്ടിലായിരുന്നു താമസം. ഭര്‍ത്താവ് നേരത്തെ മരണപ്പെട്ട ഇവര്‍ക്ക് രണ്ട് മക്കളുണ്ട്.