പയ്യോളി: അയനിക്കാട് അറബിക് കോളജിനു സമീപം ആയുര്‍വേദ ഡിസ്‌പെന്‍സറിക്കായി ലഭിച്ച സ്ഥലത്തു കെട്ടിടം പണിയുന്നതിന് കെ. ദാസന്‍ എം.എല്‍.എയുടെ ആസ്തി വികസന ഫണ്ടില്‍ നിന്ന് 25 ലക്ഷം രൂപ അനുവദിച്ചു. അയനിക്കാട് ശ്രീകൃഷ്ണന ക്ഷേത്ര പരിസരത്തു ഗ്രാമജ്യോതി ഹൈമാസ്റ്റ് ലൈറ്റിന്റെ ഉദ്ഘാടനം നിര്‍വഹിച്ചു സംസാരിക്കുന്നതിനിടെയാണ് എം.എല്‍.എ ഡിസ്‌പെന്‍സറിക്കുള്ള സഹായം പ്രഖ്യാപിച്ചത്.
വാര്‍ഡ് കൗണ്‍സിലര്‍ കെ.പി സബിത അധ്യക്ഷയായി. കെ.ടി രാജീവന്‍, പടന്നയില്‍ പ്രഭാകരന്‍, എ.ടി റഹ്മത്തുല്ല, പുതുവയല്‍ രാജന്‍, ചെറിയാവി സുരേഷ് ബാബു, കെ.പി പ്രശാന്തന്‍, എന്‍.ടി രാജന്‍, ടി.കെ കണ്ണന്‍, എം.പി ഭരതന്‍, എം.ടി നാണു, എം. രവീന്ദ്രന്‍, ബി. കണ്ണന്‍, എം.ടി അബ്ദുല്ല, കെ.ടി കേളപ്പന്‍ സംസാരിച്ചു.