തൊട്ടില്‍പ്പാലം: കുറ്റ്യാടി-പക്രംതളം ചുരം റോഡില്‍ മുളവട്ടത്ത് ഇറക്കത്തില്‍ ലോറി നിയന്ത്രണം വിട്ടു മറിഞ്ഞ് ഡ്രൈവര്‍ക്ക് ഗുരുതര പരുക്ക്.
ഇന്നലെ പുലര്‍ച്ച കര്‍ണാടകയിലെ കുടകില്‍ നിന്ന് പുറമേരിയിലേക്ക് കുരുമുളക് തൈകള്‍ കയറ്റി വരികയായിരുന്ന മൂന്നു ലോറികളില്‍ ഒന്നാണു നിയന്ത്രണം വിട്ടു മതിലില്‍ ഇടിച്ചു തലകീഴായി മറിഞ്ഞത്.
കര്‍ണാടക ഹസ്സന്‍ ജില്ലയിലെ ആളൂര്‍ സ്വദേശി ചന്ദ്രശേഖറിനെ (38) ഗുരുതര പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അപകടങ്ങള്‍ പതിവായ സ്ഥലത്താണു വീണ്ടും അപകടം സംഭവിച്ചിരിക്കുന്നത്.