ന്യൂഡല്‍ഹി: ഗവര്‍ണര്‍മാരുടെ നിയമനരീതി മാറ്റണമെന്നാവശ്യപ്പെട്ട് രാജ്യസഭയില്‍ ബില്‍ അവതരിപ്പിച്ച് സി.പി.എം അംഗം വി ശിവദാസന്‍. നിയമനത്തിന് പുറമേ ഗവര്‍ണര്‍മാരുടെ കാലാവധി, സ്ഥലം മാറ്റം എന്നിവയില്‍ ഭേദഗതികള്‍ വരുത്തണമെന്നും ബില്ലില്‍ നിര്‍ദ്ദേശിക്കുന്നുണ്ട്.

കേന്ദ്രസര്‍ക്കാരിന്റെ ശുപാര്‍ശ പ്രകാരം രാഷ്ട്രപതി ഗവര്‍ണര്‍മാരെ നിയമിക്കുന്ന സമ്പ്രദായത്തിനുപകരം സംസ്ഥാനങ്ങള്‍ക്ക് അധികാരം നല്‍കണമെന്നതാണ് പ്രധാന നിര്‍ദേശം.

നിയമസഭാ അംഗങ്ങളും തദ്ദേശ ഭരണ സ്ഥാപന പ്രതിനിധികളും ചേര്‍ന്നായിരിക്കണം ഗവര്‍ണറെ തിരഞ്ഞെടുക്കേണ്ടത്.
കാലാവധി അഞ്ചു വര്‍ഷമായിരിക്കണം.

ഗവര്‍ണര്‍മാര്‍ക്കെതിരായ അവിശ്വാസപ്രമേയം പാസാകണമെങ്കില്‍ ഹാജരാകുന്ന അംഗങ്ങളില്‍ മൂന്നില്‍ രണ്ടുപേര്‍ അതിനെ പിന്തുണയ്ക്കണമെന്നും ബില്ലില്‍ നിര്‍ദ്ദേശിച്ചിട്ടുണ്ട്.