കോഴിക്കോട്:  എംപ്ലോയ്‌മെന്റ് വകുപ്പിനു കീഴില്‍ കോഴിക്കോട് സിവില്‍ സ്റ്റേഷനില്‍ പ്രവര്‍ത്തിക്കുന്ന അംഗപരിമിതര്‍ക്കായുള്ള പ്രത്യേക എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ കോഴിക്കോട് കൊളത്തറയില്‍ പ്രവര്‍ത്തിക്കുന്ന കാലിക്കറ്റ് ഹയര്‍ സെക്കന്‍ഡറി സ്‌കൂള്‍ ഫോര്‍ ദി ഹാന്‍ഡികാപ്പ്ഡിന്റെ സഹകരണത്തോടെ സ്‌കൂളില്‍ ക്യാംപ് രജിസ്‌ട്രേഷനും ബോധവല്‍ക്കരണ ക്ലാസും സംഘടിപ്പിക്കുന്നു.  
26ന് രാവിലെ 10ന് നടക്കുന്ന ക്യാംപില്‍ എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്യാത്ത കോഴിക്കോട് താലൂക്കിലെ ഭിന്നശേഷിയുള്ളവര്‍ക്ക് രജിസ്റ്റര്‍ ചെയ്യാം.
സ്‌കൂള്‍ സര്‍ട്ടിഫിക്കറ്റ്, മെഡിക്കല്‍ ബോര്‍ഡ് സര്‍ട്ടിഫിക്കറ്റ് (ഒറിജിനലും ഫോട്ടോ കോപ്പിയും) സഹിതം നേരിട്ട് ഹാജരായി രജിസ്‌ട്രേഷന്‍ നടത്താവുന്നതാണ്.  ഫോണ്‍: 0495 2373179, 0495 2482931.