കോഴിക്കോട്: കെ.എം ഷാജി എം.എല്‍.എയെ പരിസഹിച്ച് എഴുത്തുകാരന്‍ ബെന്യാമിന്റെ ഫെയ്സ് ബുക്ക് പോസ്റ്റ്. പുതിയ നോവല്‍ ഇഞ്ചികൃഷിയുടെ ബാലപഠങ്ങള്‍ എന്ന പോസ്റ്റിലൂടെയാണ് ഷാജിയെ ബെന്യാമിന്‍ പരിഹസിക്കുന്നത്. പാനൂരില്‍ യൂത്ത് ലീഗ് പ്രവര്‍ത്തകന്റെ ദാരുണമായ കൊലപാതകത്തില്‍ പ്രതികരിക്കാത്ത സാംസ്‌കാരിക നേതാക്കള്‍ക്കെതിരേ കെ.എം ഷാജി എം.എല്‍.എ രംഗത്തെത്തിയിരുന്നു.

ആടുജീവിതമെന്ന നോവലെഴുതിയ എഴുത്തുകാരന്‍ ബെന്യാമിന്‍ സി.പി.എമ്മിന്റെ വിഴുപ്പ് ചുമക്കുന്ന കഴുതയാണെന്നായിരുന്നു കെ.എം ഷാജി തുറന്നടിച്ചത്. കെ.ആര്‍ മീരയേയും ശാരദക്കുട്ടിയെയും കടന്നാക്രമിക്കാനും ഷാജി മറന്നില്ല. ഇതാണ് ബെന്യാമിനെ ചൊടിപ്പിച്ചത്.
ചോരമണക്കുന്ന കത്തിയുമായി നടക്കുന്ന കാപാലികര്‍ക്ക് ഓശാന പാടുന്ന ഇവനെയൊക്കെ ആരാണ് സാസംകാരിക നായകരെന്ന് വിളിക്കുന്നത്.? കെ.ആര്‍ മീര എന്തിനാണ് കല്‍ക്കട്ടയിലെ ആരാച്ചാരെക്കുറിച്ചെഴുതുന്നത്.

പാനൂരില്‍ ആരാച്ചാരുമാരില്ലേ. ഇന്നലെ തൂങ്ങിയാടിയ മൃതശരീരം കണ്ടോ. ഒരാച്ചാര്‍ കെട്ടിത്തൂക്കിയതാണത്. എത്ര മനുഷ്യരെയാണീ ആരാച്ചാരുമാര്‍ ഭൂമുഖത്തു നിന്നു തുടച്ചു നീക്കിയത്. പിണറായി വിജയനെന്ന ആരാച്ചാരെ മീരക്കറിയുമോ ? പി. ജയരാജന്‍ എന്ന ആരാച്ചാരെ അറിയുമോ ? എന്നും കെ.എം ഷാജി ചോദിച്ചിരുന്നു.

കഴിഞ്ഞ ദിവസം കെ.എം ഷാജിയുടെ വീട്ടില്‍ വിജിലന്‍സ് റെയ്ഡ് നടത്തിയ പശ്ചാത്തലത്തിലാണ് ബെന്യാമിന്റെ പോസ്റ്റ്.

പോസ്റ്റ് ചുവടെ

പുതിയ നോവല്‍

ഇഞ്ചികൃഷിയുടെ ബാലാപാഠങ്ങള്‍

അധ്യായങ്ങള്‍ :
1. പോത്ത് ബിരിയാണി ഉണ്ടാക്കുന്ന വിധം
2. എന്‍.ആര്‍.സി ഫോം പൂരിപ്പിക്കേണ്ടത് എങ്ങനെ?
3. ഉപ്പിട്ട ഷോഡ നാരങ്ങാവെള്ളം
4. ജിലേബിയുടെ രുചി
5. സത്യസന്ധതയുടെ പര്യായം
6. കോഴിത്തീട്ടം തിന്നു വളരുന്ന ചാവാലിപ്പട്ടി
7. ഉമ്മറത്തെ ചായ, പത്തായത്തിലെ പണം
8. ഹാര്‍ട്ടറ്റാക്ക് - അഭിനയ രീതികള്‍.
9. ഒന്ന് പോടാ
എന്‍.ബി: ഈ നോവലിനു ജീവിച്ചിരിക്കുന്നതോ ചത്തു പോയതോ ആയ ഏതെങ്കിലും
### മായി ഒരു ബന്ധവുമില്ല. ഉണ്ടെന്ന് തോന്നുന്നു എങ്കില്‍ മനഃപൂര്‍വ്വം മാത്രം.