കോഴിക്കോട്: ഇന്ധന വില നിത്യേന ഉയരുന്നതിനു പുറമേ മണ്ണെണ്ണക്കും തീവിലയാകുന്നു. ഇപ്പോള്‍ റേഷന്‍ മണ്ണെണ്ണയ്ക്ക് 59 രൂപയാണ് ലിറ്ററിനു വില. അത് ഒറ്റയടിക്ക് 81രൂപയായാണ് ഉയരുന്നത്. ലിറ്ററിനു 22 രൂപയാണ് ഒറ്റയടിക്കു കൂടുന്നത്.
അടുത്ത മാസം റേഷന്‍ മണ്ണെണ്ണക്കു 81 രൂപയാണ് ഉപഭോക്താക്കള്‍ നല്‍കേണ്ടിവരിക. പാചകവാതത്തിനും പെട്രോള്‍ ഡീസലിനും നിത്യോപയോഗ സാധനങ്ങള്‍ക്കും വില കുത്തനെ ഉയര്‍ന്നതിനുപുറമേയാണ് മണ്ണെണ്ണക്കും തീവിലയാകുന്നത്. ഇത് സാധാരണക്കാരായ മനുഷ്യരെയാണ് കൂടുതല്‍ ബാധിക്കുക. അതേ സമയം ഉയര്‍ന്നവിലക്ക് മണ്ണെണ്ണ എടുക്കാനാവില്ലെന്ന നിലപാടിലാണ് മൊത്തവിതരണക്കാര്‍.