കറാച്ചി: പാകിസ്താന്‍ ക്രിക്കറ്റ് ടീം മുന്‍ ക്യാപ്റ്റന്‍ ശാഹിദ് അഫ്രീദിയുടെ മകള്‍ അന്‍ഷ വിവാഹിതയായി. പാകിസ്താന്റെ സ്റ്റാര്‍ പേസ് ബൗളര്‍ ശഹീന്‍ അഫ്രീദിയാണ് വരന്‍.

കറാച്ചിയില്‍ നടന്ന വിപുലമായ ആഘോഷ ചടങ്ങില്‍ പാക് ടീം ക്യാപ്റ്റന്‍ ബാബര്‍ അസം ഉള്‍പ്പെടെ നിരവധി ക്രിക്കറ്റ് താരങ്ങള്‍ സന്നിഹിതരായി. കഴിഞ്ഞ വര്‍ഷമായിരുന്നു വിവാഹ നിശ്ചയം.

ബാബര്‍ അസമിനു പുറമേ സര്‍ഫറാസ് ഖാന്‍, ഷദാബ് ഖാന്‍, നസീം ഷാ തുടങ്ങിയ ക്രിക്കറ്റ് താരങ്ങളും ചടങ്ങില്‍ പങ്കെടുത്തു. നിക്കാഹിന്റെയും മറ്റ് ചടങ്ങുകളുടെയും ചിത്രങ്ങള്‍ പാകിസ്താന്‍ സൂപ്പര്‍ ലീഗ് (പി.എസ്.എല്‍) ഫ്രാഞ്ചൈസി ലാഹോര്‍ ഖലന്ദര്‍സ് ട്വിറ്ററില്‍ പങ്കുവച്ചു.