കൊപ്പം: റിയോ ഒളിംപിക്‌സില്‍ ഇന്ത്യക്ക് വെങ്കല മെഡല്‍ നേടിത്തന്ന സാക്ഷി മാലിക്കിനെ അഭിനന്ദിച്ച് പുലാശ്ശേരി എ.എം.എല്‍.പി സ്‌കൂള്‍ വിദ്യാര്‍ഥികള്‍ ആഹ്ലാദ പ്രകടനവും പ്രത്യേക അസംബ്ലിയും നടത്തി. മാനവ ഐക്യവും സാഹോദര്യവും പുലരട്ടെ എന്ന മുദ്രാവാക്യമുയര്‍ത്തി നടന്ന റാലിക്ക് വിദ്യാര്‍ഥികളായ  സയ്യിദ് റാഫി തങ്ങള്‍, മുഹമ്മദ് സഹല്‍, ജിഷാന, റിയ, മര്‍വ നേതൃത്വം നല്‍കി. പ്രധാനാധ്യാപകന്‍ ഇ. മുസ്തഫ മാസ്റ്റര്‍, പി.ടി.എ. പ്രസിഡന്റ് പി. ഫൈസല്‍ ബാബു, പി.വി വിനോദ് കുമാര്‍, വിഷ്ണു, ശ്രീജ പ്രസംഗിച്ചു.