മണ്ണാര്‍ക്കാട്: മണ്ണാര്‍ക്കാട്ടെ വിവിധ കടകളില്‍ നിന്നും മോഷണം നടത്തിയ പ്രതിയെ കസ്റ്റഡിയില്‍ വാങ്ങി തെളിവെടുപ്പ് നടത്തി. മഞ്ചേരി അരീക്കാട് സ്വദേശി അനില്‍ കുമാര്‍ എന്ന കാര്‍ലോസ് (50)നെയാണ് മണ്ണാര്‍ക്കാട് എസ്.ഐ ഷിബു. കെ എബ്രഹാവും സംഘവും കസ്റ്റഡിയില്‍ വാങ്ങി തെളിവെടുപ്പ് നടത്തിയത്.
പട്ടാമ്പി പൊലിസ് സംശയകരമായ സാഹചര്യത്തില്‍ രാത്രിയില്‍ കാണപ്പെട്ടതിനെ തുടര്‍ന്ന് അനില്‍ കുമാറിനെ പിടികൂടി റിമാന്‍ഡ് ചെയ്തിരുന്നു. എസ്.കെ ട്രെഡേഴ്‌സ്, ലീമ ഫുട്‌വെയര്‍, ലിനിഷ ഫാന്‍സി ആന്‍ഡ് ബുക് സ്റ്റാള്‍ എന്നീകടകളിലാണ് കഴിഞ്ഞ മാസം പണമടക്കം സാധനങ്ങള്‍ മോഷണം പോയത്.
പ്രതിയെ ഇവിടെ കൊണ്ടുവന്ന് തെളിവെടുപ്പ് നടത്തി. പാലക്കാട്, പെരിന്തല്‍മണ്ണ സ്റ്റേഷനുകളില്‍ സമാനമായ കേസുകളുണ്ടെന്ന് പൊലിസ് പറഞ്ഞു.