കണ്ണൂര്‍: പാനൂര്‍ പെരിങ്ങത്തൂര്‍ മന്‍സൂര്‍ വധക്കേസില്‍ പ്രതികളെ ക്രൈംബ്രാഞ്ച് കസ്റ്റഡിയില്‍ വിട്ടു. തലശ്ശേരി ഫസ്റ്റ് ക്ലാസ് മജിസ്‌ട്രേറ്റ് കോടതിയാണ് കസ്റ്റഡിയില്‍ വിടാന്‍ ഉത്തരവിട്ടത്. പ്രതികളെ കൂടുതല്‍ ചോദ്യം ചെയ്യാനും മറ്റുമായി കസ്റ്റഡിയില്‍ വിട്ടുകിട്ടാന്‍ ആവശ്യപ്പെട്ട് ക്രൈംബ്രാഞ്ച് കോടതിയെ സമീപിച്ചിരുന്നു. ഇതേതുടര്‍ന്നാണ് നടപടി. തിങ്കളാഴ്ച മുതല്‍ കസ്റ്റഡിയില്‍ വിടാനാണ് ഉത്തരവ്.

സംഭവത്തില്‍ ഇതുവരെ എട്ട് പ്രതികളാണ് അറസ്റ്റിലായത്. ഇവരെ ചോദ്യം ചെയ്യുന്നതിലൂടെ വരും ദിവസങ്ങളില്‍ ഇനിയും കൂടുതല്‍ പ്രതികള്‍ അറസ്റ്റിലാകുമെന്ന പ്രതീക്ഷയിലാണ് ക്രൈംബ്രാഞ്ച്.

കേസില്‍ മുഖ്യപ്രതി ഇന്നലെ കോടതിയില്‍ കീഴടങ്ങിയിരുന്നു. കേസിലെ അഞ്ചാം പ്രതി സുഹൈലാണ് കോടതിയില്‍ കീഴടങ്ങിയിരുന്നത്. ഫേസ്ബുക്കില്‍ പോസ്റ്റിട്ട ശേഷമാണ് ഇയാള്‍ കീഴടങ്ങിയത്.