എ​ൻ.​എം സ്വാ​ദി​ഖ്

2022 ഓ​ഗ​സ്റ്റ് 19 വെ​ള്ളി​

രാ വി​ലെ പ​ത്തരക്ക് മ​ല​പ്പു​റം ക​ല​ക്ട​റേ​റ്റി​നു പു​റ​ത്ത് ഒരു പ്രതിഷേധം ന​ട​ന്നു. അ​ധി​ക​മാ​രും അ​റി​യാ​തെ​പോ​യ ഒ​റ്റ​യാ​ൾ പ്ര​തി​ഷേ​ധം. സ​ർ​ക്കാ​ർ ഉ​ദ്യോ​ഗ​സ്ഥ​ൻ സ​ർ​ക്കാ​ർ വ​കു​പ്പി​നെ​തി​രേ ന​ട​ത്തി​യ പ്ര​തി​ഷേ​ധം. തെ​റ്റി​ദ്ധ​രി​ക്ക​രു​ത്. സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ സം​ഘ​ട​ന​ക​ൾ സാ​ധാ​ര​ണ ന​ട​ത്തു​ന്ന​പോ​ലെ ശ​മ്പ​ള​വ​ർ​ധ​ന​വി​നോ അ​ല​വ​ൻ​സി​നോ ലീ​വ് സ​റ​ണ്ട​റി​നോ ഒ​ന്നു​മാ​യി​രു​ന്നി​ല്ല ആ ​പ്ര​തി​ഷേ​ധം. ഏ​തെ​ങ്കി​ലും സം​ഘ​ട​ന​യു​ടെ പി​ന്തു​ണ​യോ​ടെ​യു​മാ​യി​രു​ന്നി​ല്ല. സ​മ​രം മി​ണ്ടാ​പ്രാ​ണി​ക​ൾ​ക്കു വേ​ണ്ടി​യാ​യി​രു​ന്നു. മി​ണ്ടാ​പ്രാ​ണി​ക​ളെ സ്വ​ന്തം മ​ക്ക​ളെ​പ്പോ​ലെ പോ​റ്റി, ജീ​വി​ത​വ​രു​മാ​നം ക​ണ്ടെ​ത്തു​ന്ന സാ​ധാ​ര​ണ​ക്കാ​രാ​യ ക്ഷീ​ര​ക​ർ​ഷ​ക​ർ​ക്കു​വേ​ണ്ടി.

‘വ്യാ​ജൻമാരു​ടെ ചി​കി​ത്സ​യ്ക്കു വി​ട്ടു​കൊ​ടു​ത്ത് മി​ണ്ടാ​പ്രാ​ണി​ക​ളോ​ട് ക്രൂ​ര​ത ചെയ്യുന്ന മൃ​ഗ​സം​ര​ക്ഷ​ണ വ​കു​പ്പി​ന്റെ ന​ട​പ​ടി അ​വ​സാ​നി​പ്പി​ക്കു​ക’ എ​ന്നാ​യി​രു​ന്നു സ​മ​ര​ത്തി​ൽ ആ ​ഉ​ദ്യോ​ഗ​സ്ഥ​ൻ ഉ​യ​ർ​ത്തി​പ്പി​ടി​ച്ച പ്ല​ക്കാ​ർ​ഡി​ൽ എ​ഴു​തി​യി​രു​ന്ന​ത്. ആ​രാ​ണ് ‘വ്യാ​ജ ചി​കി​ത്സ​ക​രെ’ന്നും ആ​രാ​ണ് യ​ഥാ​ർ​ഥ​ത്തി​ൽ ചി​കി​ത്സി​ക്കേ​ണ്ട​തെ​ന്നും വ​ഴി​യെ പ​റ​യാം.
ഉ​ദ്യോ​ഗ​സ്ഥ​ന്റെ പേ​ര് ജെ​യ്സ​ൺ. ആ​ല​പ്പു​ഴ സ്വ​ദേ​ശി​. മ​ല​പ്പു​റ​ത്തു​ കൂ​ടു​ത​ൽ ക്ഷീ​ര​ക​ർ​ഷ​ക​രു​ള്ള തി​രു​നാ​വാ​യ ഗ്രാ​മ​പ​ഞ്ചാ​യ​ത്തി​ലെ ലൈ​വ് സ്റ്റോ​ക്ക് ഇ​ൻ​സ്പെ​ക്ട​റാ​ണ്. 13 വ​ർ​ഷ​മാ​യി അ​ദ്ദേ​ഹം തി​രു​നാ​വാ​യ​യി​ൽ സേ​വ​നം ചെ​യ്യു​ന്നു. അ​തി​നു മു​മ്പ് വെ​ട്ട​ത്താ​യി​രു​ന്നു. സ​ർ​വി​സി​ൽ ഇ​ത് പ​ത്തൊ​മ്പതാം വ​ർ​ഷം. മ​ല​പ്പു​റ​ത്തോ​ടും തി​രു​നാ​വാ​യ​യി​ലെ ക്ഷീ​ര​ക​ർ​ഷ​ക​രോ​ടു​മു​ള്ള ആ​ത്മ​ബ​ന്ധ​വും ഇ​ഷ്ട​വും കാ​ര​ണം അ​വി​ട​ത്ത​ന്നെ വീ​ടു​വ​ച്ച് താ​മ​സി​ക്കു​ന്നു. നി​ല​വി​ൽ അ​ദ്ദേ​ഹം സ​സ്പെ​ൻ​ഷ​നി​ലാ​ണ്. വി​ശ​ദീ​ക​ര​ണ​മെ​ഴു​തി തി​രി​കെ​ക്ക​യ​റാ​ൻ ശ്ര​മി​ക്കാ​തെ, ജോ​ലി രാ​ജി​വ​ച്ച് നാ​ട്ടി​ലേ​ക്കു തി​രി​ച്ചു​പോ​കു​ന്ന കാ​ര്യ​മാ​ണ് ജെയ്സൺ പ​റ​ഞ്ഞു​കൊ​ണ്ടി​രി​ക്കു​ന്ന​ത്. എ​ന്തി​നു വേ​ണ്ടി​യാ​ണ് ഒ​രു​ദ്യോ​ഗ​സ്ഥ​ൻ ജോ​ലി രാ​ജി​വ​യ്ക്കാ​നൊ​രു​ങ്ങി​യ​ത് എ​ന്ന ചോ​ദ്യ​ത്തി​നു​ള്ള മ​റു​പ​ടി​ക​ൾ താ​ഴെ​യു​ണ്ട്. ചി​ല ചോ​ദ്യ​ങ്ങ​ളു​മു​ണ്ട്.

തലതിരിഞ്ഞ ലോകം

ജോ​ലി​യോ​ട് നൂ​റു​ശ​ത​മാ​നം ആ​ത്മാ​ർ​ഥ​ത​യും കൂ​റും പു​ല​ർ​ത്തു​ന്നു​വെ​ന്ന​താ​ണ് െജ​യ്സണി​ൻ്റെ പ്ര​ത്യേ​ക​ത​യെ​ന്ന് പ​ഞ്ചാ​യ​ത്തി​ലെ ക്ഷീ​ര​ക​ർ​ഷ​ക​ർ ഒ​റ്റ​ക്കെ​ട്ടാ​യി പ​റ​യു​ന്നു. ജെ​യ്സ​ൺ ത​ല​തി​രി​ഞ്ഞ​വ​നാ​ണെ​ന്നാ​ണ് ചി​ല ഉ​ദ്യോ​ഗ​സ്ഥ​ർ പ​റ​ഞ്ഞ​ത്. ശ​രി​യാ​യി​പ്പ​റ​ഞ്ഞാ​ൽ, ത​ല​തി​രി​ഞ്ഞ ഈ ​ലോ​ക​ത്ത് ഒ​രാ​ൾ നേ​ർവ​ഴി​യി​ൽ ചി​ന്തി​ക്കു​മ്പോ​ൾ ന​മു​ക്ക് അ​യാ​ളെ​ക്കു​റി​ച്ച് അ​ങ്ങ​നെ​യേ തോ​ന്നൂ. മി​ണ്ടാ​പ്രാ​ണി​ക​ളു​ടെ അ​സു​ഖ​ത്തി​ന്റെ​യോ മ​റ്റോ കാ​ര്യം പ​റ​ഞ്ഞ് ഒ​ന്നു വി​ളി​ച്ചാ​ൽ, അ​തേ​തു സ​മ​യ​ത്താ​യാ​ലും ഓ​ടി​യെ​ത്തു​മെ​ന്ന​താ​ണ് ഈ ​പ​തി​മൂ​ന്ന് വ​ർ​ഷ​ത്തി​നി​ട​യ്ക്ക് ആ​ല​പ്പു​ഴ​യി​ലെ അ​ർ​ത്തു​ങ്ക​ലു​കാ​ര​നാ​യ ജെ​യ്സ​ണു​മാ​യി തി​രു​നാ​വാ​യ​ക്കാ​ർ​ക്കു​ള്ള ബ​ന്ധം. പ​ഞ്ചാ​യ​ത്തി​ലെ പ​ല​രും ക്ഷീ​ര​ക​ർ​ഷ​ക​രാ​യ​തി​നു പി​ന്നി​ലും ജെ​യ്സ​ണാ​ണ്. എ​ന്നി​ട്ടും മേ​ലു​ദ്യോ​ഗ​സ്ഥ​യു​ടെ, ഉ​ദ്യോ​ഗ​സ്ഥ​രു​ടെ ഗു​ഡ് ലി​സ്റ്റി​ൽ ജെ​യ്സ​ണി​ല്ല!

‘ഡോ​ക്ട​റെ വി​ളി​ച്ചാ​ൽ കി​ട്ടി​ല്ല’

ഇത് ക്ഷീ​ര​ക​ർ​ഷ​ക​ർ ഒ​ന്നി​ച്ചു​പ​റ​യു​ന്ന കാ​ര്യ​മാ​ണ്- പ​ല​ത​വ​ണ വി​ളി​ച്ചാ​ലും ഡോ​ക്ട​റെ കി​ട്ടി​ല്ലെ​ന്ന​തും വി​ളി​ച്ചാ​ൽ വ​രി​ല്ലെ​ന്ന​തും. മ​റ്റു ഡോ​ക്ട​ർ​മാ​രു​ടെ ന​മ്പ​റു​ക​ൾ കൊ​ടു​ക്കു​ന്നു. അ​വ​രെ​യും കി​ട്ടി​ല്ല. ഒ​ടു​വി​ൽ, മി​ണ്ടാ​പ്രാ​ണി​ക​ൾ ക്ഷീ​രക​ർ​ഷ​ക​രു​ടെ ക​ൺ​മു​ന്നി​ൽ പി​ട​ഞ്ഞു​മ​രി​ക്കു​ന്നു. ഇ​ത് തി​രു​നാ​വാ​യ​യി​ലെ മാ​ത്രം പ്ര​ശ്ന​മ​ല്ല. മി​ക്ക​വാ​റും എ​ല്ലാ​യി​ട​ത്തും ഇ​തൊ​ക്കെ​യാ​ണ് സ്ഥി​തി. എ​ന്നാ​ൽ, മൃ​ഗ​ങ്ങ​ൾ​ക്ക് ഇ​ത്ത​രം പ്ര​യാ​സ​ങ്ങ​ളു​ണ്ടാ​കു​മ്പോ​ൾ മി​ക്ക​യി​ട​ത്തും ഡോ​ക്ട​ർ​ക്കു പ​ക​രം എ​ൽ.​ഐ​മാ​രാ​ണ് സ്ഥ​ല​ത്തെ​ത്തു​ക. അ​വ​രാ​ണ് പ്ര​ശ്ന​ങ്ങ​ൾ​ക്കു പ​രി​ഹാ​രം കാ​ണു​ന്ന​ത്. അ​തു​കൊ​ണ്ടു​ത​ന്നെ അ​വ​രു​മാ​യാ​ണ് സാ​ധാ​ര​ണ​ക്കാ​രാ​യ ക​ർ​ഷ​ക​ർ​ക്കു കൂ​ടു​ത​ൽ ബ​ന്ധം. എ​ൽ.​ഐ​മാ​രെ അ​വ​ർ ഡോ​ക്ട​റെ​ന്നു വി​ളി​ക്കു​ന്ന​തും അ​തൊ​ക്കെ​ക്കൊ​ണ്ടു​ത​ന്നെ​യാ​ണ്. പ​ക്ഷേ, ഇ​വി​ടെ ഡോ​ക്ട​ർ ചി​കി​ത്സി​ക്കു​ന്നില്ല, ക​ർ​ഷ​ക​ർ​ക്ക് സേ​വ​നം ചെ​യ്യാ​ൻ എ​ൽ.​ഐ​യെ സ​മ്മ​തി​ക്കു​ന്നു​മി​ല്ല!

ജെ​യ്സ​ൺ ‘വ​ട്ട​നാ’യി​ത്തു​ട​ങ്ങു​ന്നു!

തി​രു​നാ​വാ​യ​യി​ൽ 13 വ​ർ​ഷം എ​ൽ.​ഐ ആ​യി സേ​വ​നം ചെ​യ്ത ജെ​യ്സ​ൺ, ര​ണ്ടു വ​ർ​ഷ​ങ്ങ​ൾ​ക്കു മു​മ്പാ​ണ് മേ​ലു​ദ്യോ​ഗ​സ്ഥ​രു​ടെ ഭാ​ഷ​യി​ൽ ‘വ​ട്ട​നാ’യി​ത്തു​ട​ങ്ങി​യ​ത്. മൃ​ഗാ​ശു​പ​ത്രി​യി​ൽ​നി​ന്ന് അ​ന്ന​ത്തെ ഡോ​ക്ട​ർ സ്ഥ​ലം​മാ​റി​പ്പോ​യി പു​തി​യ ഡോ​ക്ട​ർ വ​ന്ന​തി​നു ശേ​ഷ​മാ​യി​രു​ന്നു ഇ​ത്. എ​ൽ.​ഐ​യും ക്ഷീ​ര​ക​ർ​ഷ​ക​രും ഇ​ങ്ങ​നെ സ​ഹ​ക​രി​ച്ചു​പോ​കു​ന്ന​തി​ൽ മേ​ലു​ദ്യോ​ഗ​സ്ഥ​യ്ക്ക് അ​പ്രീ​തി. എ​ൽ.​ഐ അ​വ​രു​ടെ പ​ണി​യെ​ടു​ത്താ​ൽ മ​തി​യെ​ന്ന് താ​ക്കീ​തും. എ​ന്നാ​ൽ, മൃ​ഗ​ങ്ങ​ളെ ഫീ​ൽ​ഡി​ൽ​പോ​യി ചി​കി​ത്സി​ക്കേ​ണ്ട ഡോ​ക്ട​ർ അ​തു ചെ​യ്യു​ന്നു​മി​ല്ല.

ചി​കി​ത്സ കി​ട്ടാ​തെ മി​ണ്ടാ​പ്രാ​ണി​ക​ൾ ച​ത്തൊ​ടു​ങ്ങി​യ നി​ര​വ​ധി സം​ഭ​വ​ങ്ങ​ളു​ണ്ടാ​യി. പ​രാ​തി​ക​ളൊ​ക്കെ പ​തി​ച്ച​ത് ബ​ധി​ര​ക​ർ​ണ​ങ്ങ​ളി​ലാ​ണ്. ഗ​തി​കെ​ട്ട് ക്ഷീ​ര​ക​ർ​ഷ​ക​ർ വി​ളി​ക്കു​മ്പോ​ൾ പോ​കാ​തി​രി​ക്കു​ന്ന​തെ​ങ്ങ​നെ? നീ​തി​ബോ​ധ​മു​ള്ള​വ​ർ​ക്ക് അ​ങ്ങ​നെ പെ​രു​മാ​റാ​ൻ സാ​ധി​ക്കു​മോ? ആ ​ചി​ന്ത​യി​ൽ ഇ​ത്ത​രം സ്ഥ​ല​ങ്ങ​ളി​ൽ ചെ​ന്ന് പ​രി​ഹാ​രം ക​ണ്ട ജെ​യ്സ​ണ് സ്പോ​ട്ടി​ൽ സ​സ്പെ​ൻ​ഷ​നും കി​ട്ടി!. ‘മി​ണ്ടാ​പ്രാ​ണി​ക​ളു​ടെ ജീ​വ​ന​ല്ലേ, ക​ർ​ഷ​ക​രു​ടെ ജീ​വി​തോ​പാ​ധി​യ​ല്ലേ...’ എ​ന്ന മ​റു​ചോ​ദ്യ​ങ്ങ​ൾ​ക്ക്, ‘അ​തു നി​ന്റെ പ​ണി​യ​ല്ല. നീ ​അ​റി​യേ​ണ്ട കാ​ര്യ​മി​ല്ല...’ എ​ന്ന മ​റു​പ​ടി​ക​ൾ. മി​ണ്ടാ​പ്രാ​ണി​ക​ളു​ടെ ജീ​വ​ന് വി​ല​യി​ല്ല. മി​ണ്ടാ​പ്രാ​ണി​ക​ൾ മാ​ത്ര​മ​ല്ല, അ​വ​ർ കു​റേ മ​നു​ഷ്യ​രു​ടെ ജീ​വി​തോ​പാ​ധി കൂ​ടി​യാ​ണ്. അ​പ്പോ​ൾ, അ​ത്ത​രം മ​നു​ഷ്യ​ർ​ക്കും വി​ല​യി​ല്ല!

ദ​യ​യി​ല്ലാ​ത്ത ഉ​ദ്യോ​ഗ​സ്ഥ​ർ

ജെ​യ്സ​ണെ​തി​രാ​യ ന​ട​പ​ടി​ക്കു​ശേ​ഷം സം​ഭ​വി​ച്ച ഒ​ന്നു​ര​ണ്ടു സം​ഭ​വ​ങ്ങ​ൾ ഇ​ങ്ങ​നെ; പ​ശ്ചി​മ​ബം​ഗാ​ൾ സ്വ​ദേ​ശി​ മു​സ്ത​ഫ വ​ർ​ഷ​ങ്ങ​ൾ​ക്കു മു​മ്പാ​ണ് തി​രു​നാ​വാ​യ​യി​ലെ​ത്തി​യ​ത്. ധ​രി​ച്ചി​രു​ന്ന വ​സ്ത്ര​ങ്ങ​ൾ മാ​ത്ര​മാ​ണ് കൂ​ടെ​യു​ണ്ടാ​യി​രു​ന്ന​തെ​ന്ന് മു​സ്തഫ പ​റ​യു​ന്നു. ഇ​വി​ടെ വ​ന്ന​ശേ​ഷം പ​ശു​ക്ക​ളെ വാ​ങ്ങി. ആ​ടു​ക​ളെ വാ​ങ്ങി. അ​വ​യെ സ്വ​ന്തം മ​ക്ക​ളെ​പ്പോ​ലെ പോ​റ്റിവ​ള​ർ​ത്തി. പാ​ലു​വി​റ്റ് ഉ​പ​ജീ​വ​നം ന​ട​ത്തി. തി​രു​നാ​വാ​യ​ക്കാ​രി​യെ വി​വാ​ഹം ചെയ്തു. ഇ​പ്പോ​ൾ സ​കു​ടും​ബം ഇ​വി​ടെ വീ​ടു​വ​ച്ച് താ​മ​സി​ക്കു​ന്നു.

മു​സ്ത​ഫ​യു​ടെ ആ​ടി​നു ഗ​ർ​ഭ​മു​ണ്ടാ​യ​പ്പോ​ൾ ചി​ല പ്ര​ശ്ന​ങ്ങ​ളു​ണ്ടാ​യി. നി​റ​വ​യ​റു​മാ​യി ആ​ട് പ്ര​സ​വി​ക്കാ​റാ​യി നി​ൽ​ക്കു​ക​യാ​ണ്. ഗ​ർ​ഭം നാ​ലു മാ​സ​വും 20 ദി​വ​സ​വു​മാ​യി. ആ​ടി​ന് പാ​ലി​റ​ങ്ങി​ത്തു​ട​ങ്ങി. എ​ന്നാ​ൽ, പ്ര​സ​വം ന​ട​ക്കു​ന്നി​ല്ല. ഈ ​ആ​ടുമായി മു​സ്ത​ഫ നാ​ലു ദി​വ​സം മൃ​ഗാ​ശു​പ​ത്രി​യി​ൽ ക​യ​റി​യി​റ​ങ്ങി. ഡോ​ക്ട​ർ ചി​കി​ത്സ ന​ൽ​കി​യി​ല്ല. മ​ല​പ്പു​റ​ത്തെ ജി​ല്ലാ മൃ​ഗ​സം​ര​ക്ഷ​ണ കേ​ന്ദ്ര​ത്തി​ലും കൊ​ണ്ടു​പോ​യി. ചി​കി​ത്സ കി​ട്ടി​യി​ല്ല. തി​രി​കെ​കൊ​ണ്ടു​വ​ന്ന ആ​ട് ച​ത്തു. അ​തി​ന്റെ വ​യ​റ്റി​ലു​ള്ള കു​ട്ടി​ക​ളെ​യെ​ങ്കി​ലും കി​ട്ടി​യാ​ലോ​യെ​ന്ന പ്ര​തീ​ക്ഷ​യി​ൽ പ​ല​ത​വ​ണ ഡോ​ക്ട​റെ വി​ളി​ച്ചു. പ്ര​തി​ക​ര​ണ​മു​ണ്ടാ​യി​ല്ല. ഒ​ടു​വി​ൽ മു​സ്ത​ഫ​ത​ന്നെ ആ​ടി​ന്റെ വ​യ​റു​കീ​റി കു​ട്ടി​ക​ളെ പു​റ​ത്തെ​ടു​ത്തു. നാ​ലു കുട്ടിക​ളു​ണ്ടാ​യി​രു​ന്നു. നാ​ലും ച​ത്തു​പോ​യി​രു​ന്നു. ത​ള്ള​യാ​ട​ട​ക്കം അ​ഞ്ചു ജീ​വ​ൻ. മു​സ്ത​ഫ​ത​ന്നെ കു​ഴി​വെ​ട്ടി മൂ​ടി.
ഈ​യി​ടെ മു​സ്ത​ഫ​യു​ടെ പ​ശു​വി​ന് ഇ​തു​പോ​ലെ പ്ര​യാ​സ​മു​ണ്ടാ​യി. പ​ശു​വി​നെ വ​ന്നു​ക​ണ്ട ഡോ​ക്ട​ർ, ചി​കി​ത്സ​യൊ​ന്നും ചെ​യ്തി​ല്ല. പ​ശു ച​ത്തു​പോ​കു​മെ​ന്നാ​യ​പ്പോ​ൾ മു​സ്ത​ഫ ത​ന്നെ 'ഓ​പ​റേ​ഷ​ൻ' ചെ​യ്തു കി​ടാ​വി​നെ പു​റ​ത്തെ​ടു​ത്തു. തി​രി​ച്ച് തു​ന്നി​ക്കെ​ട്ടി​യ​തും മു​സ്ത​ഫ​ത​ന്നെ. ആ ​പ​ശു​വും കി​ടാ​വും ഇ​പ്പോ​ഴും അയാളുടെ തൊ​ഴു​ത്തി​ലു​ണ്ട്. 'ഞ​ങ്ങ​ളു​ടെ നാ​ട്ടി​ൽ ഇ​ത്ത​രം ഔ​ദ്യോ​ഗി​ക ചി​കി​ത്സ​ക​ളൊ​ന്നു​മി​ല്ല. അ​വി​ട​ന്നു​ള്ള പ​രി​ച​യം വ​ച്ചാ​ണ് സ്വ​യം ‘ഡോ​ക്ട​റാ​യ’തെ​ന്ന് മു​സ്ത​ഫ പ​റ​ഞ്ഞു. താ​ൻ ന​ട​ത്തി​യ ഓ​പ​റേ​ഷ​ന്റെ ദൃ​ശ്യ​ങ്ങ​ളും കാ​ണി​ച്ചു​ത​ന്നു. കൂ​ടെ ഇ​തു​കൂ​ടി പ​റ​ഞ്ഞു- ‘ജെ​യ്സ​ൺ സാ​റു​ണ്ടാ​യി​രു​ന്നെ​ങ്കി​ൽ എ​ന്റെ അ​ഞ്ച് ആ​ടു​ക​ൾ ന​ഷ്ട​പ്പെ​ടി​ല്ലാ​യി​രു​ന്നു. ഇ​ത് ഞാ​നെ​വി​ടെ​യും വ​ന്നു പ​റ​യും’.

മ​റ്റൊ​രു ക​ർ​ഷ​ക​ൻ അ​യ്യൂ​ബി​ന്റെ പ​ശു​വി​ന് അ​സു​ഖം കാ​ര​ണം വ​യ​റു​വീ​ർ​ത്തു​വ​ന്നു. പ​ശു കൈ​കാ​ലു​ക​ളി​ട്ട​ടി​ക്കു​ന്ന​തു ക​ണ്ടു​നി​ൽ​ക്കാ​നാ​കാ​തെ ക​ർ​ഷ​ക​ൻ മൃ​ഗാ​ശു​പ​ത്രി​യി​ലെ​ത്തി. അ​വി​ടെ ഡോ​ക്ട​റി​ല്ല. സ​മീ​പ​പ്ര​ദേ​ശ​ങ്ങ​ളി​ലേ​ക്കും ജി​ല്ലാ കേ​ന്ദ്ര​ത്തി​ലേ​ക്കും വി​ളി​ച്ചെ​ങ്കി​ലും ചി​കി​ത്സ ല​ഭ്യ​മാ​ക്കാ​നാ​യി​ല്ല. ഒ​ടു​വി​ൽ, ജെ​യ്സ​ണെ വി​ളി​ച്ചു​കൊ​ണ്ടു​പോ​യി ചി​കി​ത്സിച്ചു.
ഖാ​ദ​റി​ന്റെ പ​ശു​വി​ന്റെ പി​റ​കി​ലെ ഒ​രു കാ​ലി​ന്റെ മു​ട്ടി​നു മു​ക​ളി​ലാ​യി വ​ലി​യ മു​ഴ. പ​ശു​വി​ന് ന​ട​ക്കാ​ൻ വ​യ്യ. നി​ൽ​ക്കു​മ്പോ​ൾ പോ​ലും വേ​ദ​ന കാ​ര​ണം ആ ​കാ​ല് ഉ​യ​ർ​ത്തി​പ്പി​ടി​ക്കുന്നു. മു​ഴ കീ​റി ഒ​ഴി​വാ​ക്ക​ണം. ഈ ​പ​ശു​വി​നെ​യും ന​ട​ത്തി​ച്ച് ഖാ​ദ​ർ മൂ​ന്നു ദി​വ​സം മൃ​ഗാ​ശു​പ​ത്രി​യി​ൽ ചെ​ന്നു. ഖാ​ദ​റി​ന്റെ വീ​ട്ടി​ൽ​നി​ന്ന് മൂ​ന്നു കി​ലോ​മീ​റ്റ​റോ​ള​മു​ണ്ട് അ​വി​ടേ​യ്ക്ക്. എ​ന്നി​ട്ടും ചി​കി​ത്സ കി​ട്ടി​യി​ല്ല. ഒ​ന്നും ചെ​യ്യാ​ൻ സാ​ധി​ക്കി​ല്ലെ​ന്ന് ഡോ​ക്ട​ർ പ​റ​ഞ്ഞു. ഖാ​ദ​ർ ജെ​യ്സ​ണെ വി​ളി​ച്ചു. മി​ണ്ടാ​പ്രാ​ണി​യു​ടെ പ്ര​യാ​സം ക​ണ്ട് ജെ​യ്സ​ൺ പോ​യി ആ ​മു​ഴ കീ​റി നീ​ക്കം ചെ​യ്തു. അ​ന്നും ജെ​യ്സ​ൺ സ​സ്പെ​ൻ​ഷ​നി​ലാ​യി​രു​ന്നു!
ഇ​തി​നു പു​റ​മേ, അ​ഴി​മ​തി​യാ​രോ​പ​ണ​മ​ട​ക്കം ക​ർ​ഷ​ക​ർ ഉ​ന്ന​യി​ക്കു​ന്നു​ണ്ട്. ഒ​രു കി​ലോ​മീ​റ്റ​ർ ദൂ​ര​ത്തേ​യ്ക്ക് ഡോ​ക്ട​റു​മാ​യി വ​രാ​ൻ ഓ​ട്ടോ​ക്കാ​ര​ന് മു​ന്നൂ​റ് രൂ​പ​യാ​ണ​ത്രേ ചാ​ർ​ജ്. യ​ഥാ​ർ​ഥ ഓ​ട്ടോ ചാ​ർ​ജ് ക​ഴി​ച്ചു​ള്ള​ത് വേ​റെ ‘ചാ​ർ​ജാ’ണെ​ന്ന് ക​ർ​ഷ​ക​ർ ആ​രോ​പി​ക്കു​ന്നു. ജെ​യ്സ​ണാ​യി​രു​ന്ന കാ​ല​ത്ത് ഇ​ത്ത​രം ‘ചാ​ർ​ജു​ക​ളൊ’ന്നും ഉ​ണ്ടാ​യി​രു​ന്നു​മി​ല്ല.

സസ്പെൻഷനിലേക്കുള്ള
സമരം

ഡോ​ക്ട​റെ വി​ളി​ക്കാ​തെ ക്ഷീ​ര​ക​ർ​ഷ​ക​ർ പി​ന്നെ​യും ജെ​യ്സ​ണെ വി​ളി​ക്കാ​ൻ തു​ട​ങ്ങി. ക​ർ​ഷ​ക​രെ സ​ഹാ​യി​ച്ചാ​ൽ വ​കു​പ്പു​ത​ല ന​ട​പ​ടി. സ​ഹാ​യി​ച്ചി​ല്ലെ​ങ്കി​ൽ ക​ർ​ഷ​ക​രു​ടെ ക​ണ്ണീ​ർ കാ​ണ​ണം. ഡോ​ക്ട​ർ വേ​ണ്ട​പോ​ലെ ചി​കി​ത്സ ന​ൽ​കു​ന്നു​മി​ല്ല. പ്ര​തി​ക​രി​ക്കു​ക​യോ ര​ണ്ടും ക​ൽ​പി​ച്ച് ക​ർ​ഷ​ക​രെ സ​ഹാ​യി​ക്കു​ക​യോ ചെ​യ്താ​ൽ വ​ട്ട​നെ​ന്ന ആ​ക്ഷേ​പം. എ​ന്തൊ​രു ക​ഷ്ട​മാ​ണ്.

ഇ​ത്ത​രം സം​ഭ​വ​ങ്ങ​ൾ പ​ല​ത​വ​ണ ആ​വ​ർ​ത്തി​ച്ച​പ്പോ​ഴാ​ണ് ജെ​യ്സ​ൺ മ​ല​പ്പു​റ​ത്ത് ക​ല​ക്ട​റേ​റ്റി​നു മു​ന്നി​ൽ സ​മ​ര​ത്തി​നെ​ത്തി​യ​ത്. അ​ന്ന് ജി​ല്ലാ മൃ​ഗ​സം​ര​ക്ഷ​ണ ഓ​ഫി​സ​ർ അ​ദ്ദേ​ഹ​വു​മാ​യി ച​ർ​ച്ച ന​ട​ത്തി കാ​ര്യ​ങ്ങ​ൾ പ​രി​ഹ​രി​ക്കാ​മെ​ന്ന് ഉ​റ​പ്പു​ന​ൽ​കി​യ​താ​ണ്. അ​ന്ന​ദ്ദേ​ഹ​ത്തെ സ​സ്പെ​ൻ​ഡ് ചെ​യ്തി​ട്ടി​ല്ല. പ​ക്ഷേ, ഉ​റ​പ്പു​ക​ൾ പാ​ലി​ക്ക​പ്പെ​ട്ടി​ല്ല. കാ​ര്യ​ങ്ങ​ളൊ​ക്കെ പ​ഴ​യ പ​ടി​ത​ന്നെ. അ​തോ​ടെ ജെ​യ്സ​ൺ ഒ​രി​ക്ക​ൽ മൃ​ഗാ​ശു​പ​ത്രി​ക്കു മു​ന്നി​ൽ അ​നി​ശ്ചി​ത​കാ​ല നി​രാ​ഹാ​ര​മാ​രം​ഭി​ച്ചു. ക​ർ​ഷ​ക​രും പ്ര​തി​ഷേ​ധ​ത്തി​ൽ പ​ങ്കാ​ളി​ക​ളാ​യി. അ​ന്ന് പ​ഞ്ചാ​യ​ത്ത് അ​ധി​കൃ​ത​രും ഉ​ദ്യോ​ഗ​സ്ഥ​രും ച​ർ​ച്ച ന​ട​ത്തി കാ​ര്യ​ങ്ങ​ൾ​ക്കു പ​രി​ഹാ​ര​മു​ണ്ടാ​ക്കാ​മെ​ന്നേ​റ്റു. പൊ​ലി​സ് ഇ​ട​പെ​ട്ട് നി​രാ​ഹാ​രം അ​വ​സാ​നി​പ്പി​ച്ചു. പ​ക്ഷേ, തൊ​ട്ടു​പി​ന്നാ​ലെ ഡോ​ക്ട​ർ ജെ​യ്സ​ണെ​തി​രേ പൊ​ലി​സി​ൽ പ​രാ​തി​പ്പെ​ട്ടു. വ​നി​താ ഡോ​ക്ട​റെ ആ​ക്ഷേ​പി​ച്ചെ​ന്നാ​രോ​പി​ച്ച് കേ​സു​മെ​ത്തി. ത​ല​തി​രി​ഞ്ഞാ​യി​രു​ന്നു കാ​ര്യ​ങ്ങ​ളു​ടെ​ പോ​ക്ക്. ഡോ​ക്ട​ർ​മാ​രു​ടെ സം​ഘ​ട​ന ആ​രോ​പ​ണ​വി​ധേ​യ​യെ ര​ക്ഷി​ക്കാ​നും പ്ര​തി​ഷേ​ധ​ക്കാ​ര​നെ​തി​രേ ന​ട​പ​ടി​യെ​ടു​പ്പി​ക്കാ​നും മു​ന്നി​ൽ​നി​ന്നു. ഒ​ടു​വി​ൽ ജെ​യ്സ​ൺ സ​സ്പെ​ൻ​ഷ​നി​ലാ​യി.

കൊ​ടി​യ​ട​യാ​ള​മി​ല്ലാ​തെ
ഒ​രു കു​ട​ക്കീ​ഴി​ൽ തി​രു​നാ​വാ​യ​ക്കാ​ർ

2023 ജ​നു​വ​രി 10 ചൊ​വ്വ
ജോ​ലി മ​തി​യാ​ക്കു​ക​യാ​ണെ​ന്ന് അ​ദ്ദേ​ഹം പ​റ​ഞ്ഞു. നാ​ട്ടി​ൽ​പോ​യി മ​റ്റു വ​രു​മാ​ന മാ​ർ​ഗ​ങ്ങ​ൾ ക​ണ്ടെ​ത്തി കു​ടും​ബ​ത്തെ നോ​ക്കു​മെ​ന്ന് അ​ദ്ദേ​ഹം പ​റ​ഞ്ഞു. സ​ർ​ക്കാ​ർ സ​ർ​വി​സി​ൽ ക​യ​റു​ന്ന​തി​നു മു​ൻ​പ് ലോ​ഡി​ങ്, മ​ത്സ്യ​ബ​ന്ധ​നം, കെ​ട്ടി​ട​നി​ർ​മാ​ണം എ​ന്നി​വ​യ്ക്കൊ​ക്കെ പോ​യി​രു​ന്ന ഞാ​ൻ, ഇ​നി​യു​ള്ള കാ​ലം

അ​ങ്ങ​നെ ജീ​വി​ച്ചോ​ളാ​മെ​ന്നു ജെ​യ്സ​ൺ പ​റ​ഞ്ഞു.
ഇ​തോ​ടെ, ജ​നു​വ​രി 10ന് ​സു​ന്ദ​ര​മാ​യ മ​റ്റൊ​രു സ​മ​ര​ത്തി​ന് തി​രു​നാ​വാ​യ ഗ്രാ​മ​പ​ഞ്ചാ​യ​ത്ത് സാ​ക്ഷി​യാ​യി. ജെ​യ്സ​ണി​ന്റെ തീ​രു​മാ​ന​മ​റി​ഞ്ഞ് ക്ഷീ​ക​ർ​ഷ​ക​ർ സം​ഘ​ടി​ച്ചു. സ്ത്രീ​ക​ളും വൃ​ദ്ധ​രു​മൊ​ക്കെ​യ​ട​ങ്ങു​ന്ന നൂ​റു​ക​ണ​ക്കി​നു​പേ​ർ മൃ​ഗാ​ശു​പ​ത്രി​യി​ലേ​ക്ക് മാ​ർ​ച്ച് ന​ട​ത്തി. കൊ​ടി​നി​റ​മി​ല്ലാ​തെ സം​ഘ​ടി​ച്ച ആ ​സാ​ധാ​ര​ണ​ക്കാ​ർ ഉ​യ​ർ​ത്തി​യ​ത് ര​ണ്ട് ആ​വ​ശ്യ​ങ്ങ​ളാ​യി​രു​ന്നു- ലൈ​വ് സ്റ്റോ​ക്ക് ഇ​ൻ​സ്പെ​ക്ട​ർ ജെ​യ്സ​ണെ സ​ർ​വി​സി​ൽ തി​രി​ച്ചെ​ടു​ക്ക​ണം, ഡോ​ക്ട​ർ​ക്കെ​തി​രേ ന​ട​പ​ടി വേ​ണം. ഡോ​ക്ട​റ​ട​ക്ക​മു​ള്ള മൃ​ഗാ​ശു​പ​ത്രി​യി​ലെ ജീ​വ​ന​ക്കാ​രെ അ​ക​ത്തേ​യ്ക്കു പ്ര​വേ​ശി​ക്കാ​ൻ സ​മ്മ​തി​ക്കാ​തെ ക്ഷീ​ര​ക​ർ​ഷ​ക​ർ ആ​ശു​പ​ത്രി ഉ​പ​രോ​ധി​ച്ചു. ഈ ​ഉ​പ​രോ​ധം മ​ണി​ക്കൂ​റു​ക​ൾ നീ​ണ്ടു​നി​ന്നു. എ. ​ഷൗ​ക്ക​ത്ത്, അ​മ​രി​യി​ൽ ബ​ക്ക​ർ, സു​ബ്ര​ഹ്മ​ണ്യ​ൻ, സ​ലീ​ന, നാ​സ​ർ കൊ​ട്ടാ​ര​ത്ത്, കു​ട്ട​ൻ നാ​യ​ർ, ടി.​വി ജ​ലീ​ൽ, ജു​ബൈ​ർ ക​ല്ല​ൻ, ഉ​ണ്ണി വൈ​ര​ങ്കോ​ട്, രാ​മ​നാ​യ​ർ തി​രു​ത്തി, ടി.​കെ നാ​സി​ല പ​ട്ട​ർ​ന​ട​ക്കാ​വ്, അ​സൈ​നാ​ർ തു​ട​ങ്ങി​യ ക്ഷീ​ര​ക​ർ​ഷ​ക​രു​ടെ നേ​തൃ​ത്വ​ത്തി​ലാ​യി​രു​ന്നു ഈ ​സ​മ​രം.
സ​ർ​ക്കാ​ർ ഉ​ദ്യോ​ഗ​സ്ഥ​ർ സേ​വ​ന​ത്തി​ൽ കാ​ണി​ക്കു​ന്ന അ​നാ​സ്ഥ​യ്ക്കെ​തി​രേ ഗു​ണ​ഭോ​ക്താ​ക്ക​ൾ ന​ട​ത്തു​ന്ന സ​മ​രം ന​മ്മ​ളെ​ത്ര​യോ ക​ണ്ടി​രി​ക്കു​ന്നു. എ​ന്നാ​ൽ, ഇ​വി​ടെ ചി​ത്രം വേ​റൊ​ന്നാ​യി​രു​ന്നു. സ​ർ​ക്കാ​ർ ഉ​ദ്യോ​ഗ​സ്ഥ​നു വേ​ണ്ടി സാ​ധാ​ര​ണ​ക്കാ​രാ​യ ഗു​ണ​ഭോ​ക്താ​ക്ക​ൾ തെ​രു​വി​ലി​റ​ങ്ങു​ന്നു. ഒ​രു പ​ഞ്ചാ​യ​ത്തി​ലെ നൂ​റി​ലേ​റെ ക്ഷീ​ര​ക​ർ​ഷ​ക​ർ ഒ​രു​മി​ച്ച് സ​ർ​ക്കാ​ർ ഓ​ഫി​സ് ഉ​പ​രോ​ധി​ക്കു​ന്നു. തി​രൂ​ർ സി.​ഐ​യു​ടെ നേ​തൃ​ത്വ​ത്തി​ൽ ച​ർ​ച്ച ന​ട​ത്തി. മ​റ്റ് ഉ​ദ്യോ​ഗ​സ്ഥ​രും ച​ർ​ച്ച​യ്ക്കെ​ത്തു​ന്നു. ക​ർ​ഷ​ക​രു​ടെ ആ​വ​ശ്യം അം​ഗീ​ക​രി​ക്കാ​മെ​ന്ന് ഉ​റ​പ്പു​ന​ൽ​കു​ന്നു. ആ ​ഉ​റ​പ്പി​ൻ​മേ​ൽ ക​ർ​ഷ​ക​ർ സ​മ​രം അ​വ​സാ​നി​പ്പി​ക്കു​ന്നു.
എ​ന്നാ​ൽ, ജെ​യ്സ​ണി​ന്റെ സ​സ്പെ​ൻ​ഷ​ൻ പി​ൻ​വ​ലി​ച്ചി​ല്ല. അ​ദ്ദേ​ഹ​ത്തെ മാ​റ്റി​നി​ർ​ത്താ​നു​ള്ള ‘തെ​ളി​വു​ശേ​ഖ​ര​ണം’ ന​ട​ന്നു​കൊ​ണ്ടി​രി​ക്കു​ക​യാ​ണ്. ജെ​യ്സ​ൺ പ​ക്ഷേ, ജോ​ലി വി​ടാ​നു​ള്ള ഒ​രു​ക്ക​ത്തി​ലും. ക്ഷീ​ര​ക​ർ​ഷ​ക​ർ ത​ന്നെ​യാ​ണ് ഈ ​വി​ഷ​യം ഞ​ങ്ങ​ൾ​ക്കെ​ത്തി​ച്ച​ത്. അ​വ​ർ സ​ർ​ക്കാ​രി​നോ​ടും ഉ​ദ്യോ​ഗ​സ്ഥ​രോ​ടും ചോ​ദി​ച്ച ചോ​ദ്യ​ങ്ങ​ൾ അ​തേ​പ​ടി പ​ക​ർ​ത്തു​ക​യാ​ണ്.

• ക​ന്നു​കാ​ലി​ക​ളെ സ​ഹാ​യി​ക്കാ​ൻ ഏ​തു​സ​മ​യ​ത്തും സ​ന്ന​ദ്ധ​നാ​യി എ​ന്ന​ത് എ​ങ്ങ​നെ​യാ​ണ് തെ​റ്റാ​കു​ന്ന​ത്?
• തു​ട​രെ ചി​കി​ത്സ നി​ഷേ​ധി​ക്കു​ന്ന ഡോ​ക്ട​ർ​ക്കെ​തി​രേ ന​ട​പ​ടി​യി​ല്ലാ​ത്ത​ത് എ​ന്തു​കൊ​ണ്ടാ​ണ്?
• ഈ ​വി​ഷ​യ​ത്തി​ൽ എ​ന്തു​കൊ​ണ്ടാ​ണ് അ​ധി​കാ​രി​ക​ൾ പ്ര​ദേ​ശ​ത്തെ ക്ഷീ​ര​ക​ർ​ഷ​ക​രെ കേ​ൾ​ക്കാ​ത്ത​ത്?
• ജെ​യ്സ​ൺ തെ​റ്റു​കാ​ര​നെ​ങ്കി​ൽ പ്ര​ദേ​ശ​ത്തെ ക്ഷീ​ര​ക​ർ​ഷ​ക​ർ ഒ​ന്നി​ച്ച് അ​യാ​ൾ​ക്കു​വേ​ണ്ടി തെ​രു​വി​ലി​റ​ങ്ങു​മോ?
•