ജിദ്ദ: സമസ്ത ഇസ്‌ലാമിക് സെന്റര്‍ ജിദ്ദ സെന്‍ട്രല്‍ കമ്മിറ്റിയുടെ ഒരു മാസം നീണ്ടു നില്‍ക്കുന്ന റമദാന്‍ ഓണ്‍ലൈന്‍ കാമ്പയിനിന്റെ ഭാഗമായി നടത്തപ്പെടുന്ന പ്രതിദിന പരിപാടിയുടെ ഉദ്ഘാടനം എസ് ഐ സി സൗദി നാഷണല്‍ കമ്മിറ്റി പ്രസിഡന്റ് സയ്യിദ് ഉബൈദുല്ല അല്‍ ഐദറൂസി തങ്ങള്‍ മേലാറ്റൂര്‍ നിര്‍വഹിച്ചു. സൂം ഓണ്‍ലൈനില്‍ നടന്ന പരിപാടിയില്‍ എസ് ഐ സി ജിദ്ദ സെന്‍ട്രല്‍ കമ്മിറ്റി വൈസ് ചെയര്‍മാന്‍ ഉസ്മാന്‍ എടത്തില്‍ അധ്യക്ഷത വഹിച്ചു. സയ്യിദ് അന്‍വര്‍ തങ്ങള്‍, മുസ്തഫ ബാഖവി ഊരകം എന്നിവര്‍ ആശംസ നേര്‍ന്നു.

റമദാന്‍ കാമ്പയിനിന്റെ ഭാഗമായി പ്രതിദിന പ്രഭാഷണം, സ്റ്റാറ്റസ് വീഡിയോ, ഖുര്‍ആന്‍ വൈജ്ഞാനിക മത്സരം, ഖത്മുല്‍ ഖുര്‍ആന്‍, കുട്ടികള്‍ക്കും കുടുംബിനികള്‍ക്കും വേണ്ടി പ്രത്യേക പരിപാടികള്‍ തുടങ്ങിയവ നടത്തപ്പെടുന്നതാണ്.

എസ് ഐ സി ജനറല്‍ സെക്രട്ടറി നൗഷാദ് അന്‍വരി മോളൂര്‍ സ്വാഗതവും മീഡിയ വിംഗ് ചെയര്‍മാന്‍ മുഹമ്മദ് റഫീഖ് കൂലത്ത് നന്ദിയും പറഞ്ഞു