ന്യൂഡല്‍ഹി: ശമ്പളം വെട്ടിക്കുറച്ച നടപടിയില്‍ പ്രതിഷേധിച്ച് സമരത്തിനൊരുങ്ങിയ പൈലറ്റുമാരെ സസ്‌പെന്‍ഡ് ചെയ്ത് ഇന്‍ഡിഗോ. ഇന്നലെയാണ് 12 പൈലറ്റുമാരെ സസ്‌പെന്‍ഡ് ചെയ്തത്. ഇന്ന് സമരം നടത്താനായിരുന്നു പൈലറ്റുമാര്‍ പദ്ധതിയിട്ടത്.

കൊവിഡ് വ്യാപനത്തിനിടെയാണ് പൈലറ്റുമാരുടെ ശമ്പളം ഇന്‍ഡിഗോ വെട്ടിക്കുറച്ചത്. പൈലറ്റുമാരുടെ ശമ്പളം 30 ശതമാനം വരെ വെട്ടിക്കുറച്ചിരുന്നു. കൊവിഡ് പകര്‍ച്ചവ്യാധിയുടെ കാലത്ത് രാജ്യത്തുടനീളം വിമാനങ്ങള്‍ റദ്ദാക്കിയപ്പോഴായിരുന്നു ഇത്.