കോഴിക്കോട്: ജില്ലയില്‍ കൊവിഡ് വ്യാപനം രൂക്ഷമായ സാഹചര്യത്തില്‍ ഞായറാഴ്ചകളില്‍ ലോക്ക് ഡൗണ്‍ ഏര്‍പ്പെടുത്തി കലക്ടര്‍ ഉത്തരവിറക്കി.
ഇനിയൊരുത്തരവുണ്ടാകുന്നതു വരെ കടുത്ത നിയന്ത്രണങ്ങളും ഏര്‍പ്പെടുത്തിയിട്ടുണ്ട്.

ഞായറാഴ്ചകളിലെ കൂടിച്ചേരലുകള്‍ അഞ്ചു പേരില്‍ ചുരുക്കണം. അവശ്യവസ്തുക്കളുടെ സേവനങ്ങളുടെ കടകളും സ്ഥാപനങ്ങളും മാത്രം വൈകിട്ട് ഏഴുവരെ പ്രവര്‍ത്തിപ്പിക്കാം. ആരോഗ്യമേഖലയുമായി ബന്ധപ്പെട്ട എല്ലാ സ്ഥാപനങ്ങളും പതിവുപോലെ പ്രവര്‍ത്തിക്കാവുന്നതാണ്.

ബീച്ച്, പാര്‍ക്ക്, ടൂറിസം കേന്ദ്രങ്ങള്‍ക്കും വിലക്കേര്‍പ്പെടുത്തിയിട്ടുണ്ട്. എന്നാല്‍ പൊതുഗതാഗതം സാധാരണനിലയില്‍ പ്രവര്‍ത്തിക്കും.