മോസ്‌കോ: റഷ്യന്‍ പോള്‍വാള്‍ട്ട് ഇതിഹാസം ഇസിന്‍ബയേവ വിരമിച്ചു. താന്‍ മികച്ച ഫോമിലാണെന്നും താനില്ലാതെ ഈ ഇനത്തില്‍ ആരു മത്സരിച്ച് ജയിച്ചാലും ആ ജയം പൂര്‍ണമാവില്ലെന്നു പറഞ്ഞുകൊണ്ടാണ് ഇസിന്‍ബയേവ വിരമിക്കല്‍ പ്രഖ്യാപിച്ചത്.

ഒളിമ്പിക്‌സില്‍ റഷ്യന്‍ താരങ്ങളോട് അന്താരാഷ്ട്ര ഒളിമ്പിക്‌സ് കമ്മിറ്റി കാണിച്ചത് അനീതിയാണെന്ന് ഇസിന്‍ബയേവ കുറ്റപ്പെടുത്തി.

ലോകം കണ്ട ഏറ്റവും മികച്ച വനിതാ പോള്‍വാള്‍ട്ട് താരമാണ് ഇസിന്‍ബയേവ. ഉത്തേജക ഉപയോഗത്തിന്റെ പേരില്‍ റഷ്യന്‍ താരങ്ങള്‍ക്കേര്‍പ്പെടുത്തിയ കൂട്ട വിലക്കാണ് ഇസിന് തിരിച്ചടിയായത്.ഒളിമ്പിക്‌സില്‍ രണ്ടു സ്വര്‍ണവും ഒരു വെങ്കലവും ഇവര്‍ നേടിയിട്ടുണ്ട്.