പട്‌ന: രാഷ്ട്രീയ ജനതാദള്‍(ആര്‍.ജെ.ഡി) നേതാവ് വിനോദ് യാദവ് വെടിയേറ്റു മരിച്ചു. ബിഹാറിലെ ഭഗല്‍പുര്‍ ജില്ലയില്‍ ഇന്ന് രാവിലെയാണ് സംഭവം.

നൗഗാച്ചിയ മാര്‍ക്കറ്റില്‍ ഇരിക്കവെ ആറു ബൈക്കുകളിലായെത്തിയ സംഘം വിനോദ് യാദവിനു നേര്‍ക്ക് വെടിയുതിര്‍ക്കുകയായിരുന്നു.

നൗഗാച്ചിയ പ്രദേശത്തെ അധോലോക പ്രവര്‍ത്തനങ്ങള്‍ നിയന്ത്രിക്കുന്നത് യാദവ് ആണെന്ന് റിപ്പോര്‍ട്ടുകളുണ്ടായിരുന്നു. ഇദ്ദേഹം സംഭവസ്ഥലത്തുതന്നെ മരിച്ചു. കൊലപാതകത്തിന്റെ കാരണം എന്തെന്ന്് ഇതുവരെ വ്യക്തമായിട്ടില്ല. പൊലിസ് അന്വേഷണം ആരംഭിച്ചു.