വാണിമേല്‍: നാദാപുരം അസ്‌ലം വധത്തിലെ പ്രതികള്‍ക്കായി വളയം ചുഴലിയിലും വാണിമേല്‍ വിലങ്ങാട് ഭാഗങ്ങളിലും വ്യാപക പൊലിസ് റെയ്ഡ്. അസ്‌ലം വധത്തില്‍ കേസ് അന്വേഷിക്കുന്ന സംഘമാണു കൊലപാതകവുമായി ബന്ധമുണ്ടെന്നു സംശയിക്കുന്നവരുടെ വീടുകളിലടക്കം തെരച്ചില്‍ നടത്തിയത്.
പ്രതികള്‍ വളയം സ്വദേശികളാണെന്നു കഴിഞ്ഞ ദിവസം പൊലിസ് സ്ഥിരീകരിച്ചിരുന്നു. എ.എസ്.പി കറുപ്പസ്വാമിയുടെ നേതൃത്വത്തില്‍ നാല് ഡിവൈ.എസ്.പിമാരും നാല് സി.ഐമാരും രണ്ട് എസ്.ഐമാരുമടങ്ങുന്ന സംഘമാണ് അന്വേഷണം നടത്തുന്നത്.
പ്രതികള്‍ സ്വന്തം നാട്ടില്‍ തന്നെ ഒളിവിലാണെന്ന സംശയത്തെ തുടര്‍ന്നാണ് പൊലിസ് റെയ്ഡ്. സി.പി.എം ശക്തികേന്ദ്രമായ മേഖല പ്രതികള്‍ക്ക് ഒളിക്കാന്‍ ഏറെ സുരക്ഷിതമാണെന്നാണ് പൊലിസ് കരുതുന്നത്.