പെരിന്തല്‍മണ്ണ : ആത്മ സംസ്‌കരണത്തിന് പൈതൃക പാത നേഞ്ചേറ്റി ഫൈസാബാദില്‍ ജനസാഗരം ഒരുമിച്ചുകൂടി. ജാമിഅഃ നൂരിയ്യഃ ഡയമണ്ട് ജൂബിലിയുടെ ഭാഗമായി നടത്തിയ മജ്‌ലിസുന്നൂര്‍ വാര്‍ഷിക സദസ്സിന് പാണക്കാട് സയ്യിദ് സാദിഖലി ശിഹാബ് തങ്ങള്‍ നേതൃത്വം നല്‍കി. സുന്നി യുവജന സംഘം സംസ്ഥാന സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ആമുഖ പ്രസംഗം നിര്‍വ്വഹിച്ചു. ഏലംകുളം ബാപ്പു മുസ്‌ലിയാര്‍ ഉദ്‌ബോദനം നടത്തി.

അല്‍ മുനീര്‍ സമ്മേളന സുവനീര്‍ പാണക്കാട് സാദിഖലി ശിഹാബ് തങ്ങള്‍ തൃക്കടേരി മുഹമ്മദലി ഹാജിക്ക് നല്‍കി പ്രകാശനം ചെയ്തു. ഹൈദരലി ശിഹാബ് തങ്ങളുടെ പേരില്‍ ളിയാഉദ്ദീന്‍ ഫൈസി മേല്‍മുറി രചിച്ച മൗലിദ് ബാപ്പുട്ടി ഫൈസി വേങ്ങൂര്‍ ഏറ്റുവാങ്ങി. ജാമിഅഃ ഭക്ഷണ ഫണ്ട് ഉദ്ഘാടനം ഗഫൂര്‍ നെന്മിനിയും ഭക്ഷണ കൂപ്പണ്‍ വിതരണോദ്ഘാടനം ശരീഫ് ഹാജി മണ്ണാര്‍ക്കാടും നിര്‍വ്വഹിച്ചു.

സമസ്ത സെക്രട്ടറി പ്രൊഫ. കെ.ആലിക്കുട്ടി മുസ്‌ലിയാര്‍, അബ്ബാസലി ശിഹാബ് തങ്ങള്‍,  നാസര്‍ അബ്ദുല്‍ ഹയ്യ് ശിഹാബ് തങ്ങള്‍, ബശീറലി ശിഹാബ് തങ്ങള്‍, സമസ്ത മുശാവറ അംഗങ്ങളായ കുഞ്ഞിമുഹമ്മദ മുസ്‌ലിയാര്‍ നെല്ലായ, മൊയ്തീന്‍ കുട്ടി മുസ്‌ലിയാര്‍ വാക്കോട്, അസ്ഗറലി ഫൈസി പട്ടിക്കാട്, സാബിഖലി ശിഹാബ് തങ്ങള്‍, ഇമ്പിച്ചിക്കോയ തങ്ങള്‍ ലക്കിടി, മുഹമ്മദ് മുസ്‌ലിയാര്‍ ചെമ്പുലങ്ങാട്, ഒ.എം.എസ് തങ്ങള്‍ മേലാറ്റൂര്‍, ബി.എസ്.കെ തങ്ങള്‍,  ഒ.എം.എസ് തങ്ങള്‍ മണ്ണാര്‍മല,  മൊയ്തീന്‍ ഫൈസി പുത്തനഴി തുടങ്ങിയവര്‍ സംബന്ധിച്ചു.,