കൊച്ചി: എറണാകുളം അങ്കമാലി അതിരൂപതയില്‍ ഏകീകൃത കുര്‍ബാന നടപ്പിലാക്കുന്നതുമായി ബന്ധപ്പെട്ട് ബിഷപ്പ് ഹൗസിന് മുന്നില്‍ വിശ്വാസികള്‍ തമ്മില്‍ കയ്യാങ്കളി. ആര്‍ച്ച് ബിഷപ്പ് ആന്റണി കരിയിലുമായി ചര്‍ച്ച നടത്തിയ ശേഷം വൈദികര്‍ പുറത്തുവന്ന് വാര്‍ത്താ സമ്മേളനം നടത്തിയിരുന്നു.

ഇതില്‍ ഏകീകൃത കുര്‍ബാന നടപ്പിലാക്കില്ലെന്നും ജനാഭിമുഖ കുര്‍ബാനയുമായി മുന്നോട്ട് പോവുമെന്നും വൈദികര്‍ അറിയിച്ചു. ഇതിനിടെയാണ് പുറത്ത് നിന്നിരുന്ന വിശ്വാസികള്‍ ബിഷപ്പ് ഹൗസിനുള്ളിലേക്ക് കയറുകയും പരസ്പരം കയ്യാങ്കളിയിലേക്കെത്തുകയും ചെയ്തത്.

സംഘര്‍ഷ സാധ്യത കണക്കിലെടുത്ത് സ്ഥലത്തെത്തിയ പൊലിസ് ഗേറ്റ് പൂട്ടിയതോടെയാണ് വലിയ പ്രശ്‌നത്തിലേക്ക് പോവാതെ നിയന്ത്രണ വിധേയമായി.