കോഴിക്കോട്: കേരളാ വ്യാപാരി വ്യവസായി സമിതി ജില്ലാ സമ്മേളനം 30,31 തീയതികളില്‍ ഫറോക്കില്‍. പ്രതിനിധി സമ്മേളനം 30ന് രാവിലെ ഫറോക്ക് ചുങ്കത്തെ ത്രി.എം ഓഡിറ്റോറിയത്തില്‍ നടക്കും.
ഗതാഗത വകുപ്പ് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും. ജില്ലയിലെ 21 മേഖലകളെ പ്രതിനിധീകരിച്ച് 350 പ്രതിനിധികള്‍ പങ്കെടുക്കും. പ്രകടനവും പൊതുസമ്മേളനവും നടക്കും.
സംസ്ഥാന സെക്രട്ടറി ഇ.എസ് ബിജു, പ്രസിഡന്റ് ബിന്നി ഇമ്മട്ടി എന്നിവര്‍ സംബന്ധിക്കും. ചില്ലറ വ്യാപാര മേഖല തകര്‍ച്ചയിലേക്ക് എന്ന വിഷയത്തില്‍ സെമിനാറില്‍ കണ്‍സ്യൂമര്‍ ഫെഡ് ചെയര്‍മാന്‍ എം. മെഹബൂബ് ഉദ്ഘാടനം ചെയ്യും. വാര്‍ത്താസമ്മേളനത്തില്‍ ജില്ലാ സെക്രട്ടറി സി.കെ വിജയന്‍, ജോയിന്റ് സെക്രട്ടറി സി.വി ഇക്ബാല്‍, സിറ്റി സെക്രട്ടറി കെ.എം റഫീഖ്, സിറ്റി ട്രഷറര്‍ മേച്ചേരി ബാബുരാജ്, സ്വാഗതസംഘം ചെയര്‍മാന്‍ ടി മരക്കാര്‍ എന്നിവര്‍ പങ്കെടുത്തു.