ജിദ്ദ: എസ് വൈ എസ് സംസ്ഥാന ട്രഷററും പണ്ഡിതനും ചിന്തകനും എഴുത്തുകാരനും വിദ്യാഭ്യാസ പ്രവര്‍ത്തകനുമായ പിണങ്ങോട് അബൂബക്കര്‍ ഹാജിയുടെ നിര്യാണത്തില്‍ സമസ്ത ഇസ്‌ലാമിക് സെന്റര്‍ ജിദ്ദ സെന്‍ട്രല്‍ കമ്മിറ്റി അനുശോചനം രേഖപ്പെടുത്തി. മുസ്‌ലിം സമുദായം വെല്ലുവിളി നേരിട്ടപ്പോഴെല്ലാം തന്റെ തൂലിക കൊണ്ട് പ്രതിരോധം തീര്‍ക്കുകയും സമുദായത്തിന് ശരിയായ ദിശാ ബോധം നല്‍കുകയും ചെയ്ത സമുന്നത വ്യക്തിത്വമായിരുന്നു പിണങ്ങോട് അബൂബക്കര്‍ എന്നും എസ് ഐ സി അനുശോചന സന്ദേശത്തില്‍ പറഞ്ഞു.

 

സമസ്തയുടെ വിവിധ ആനുകാലികങ്ങളില്‍ സ്ഥിരം എഴുത്തുകാരനും വിദ്യാഭ്യാസ ബോര്‍ഡ് മുന്‍ മാനേജര്‍, സുപ്രഭാതം റസിഡന്റ് എഡിറ്റര്‍, വിവിധ സ്ഥാപനങ്ങളുടെ ഭാരവാഹി എന്ന നിലയിലും അദ്ദേഹത്തിന്റെ നിര്യാണം സമസ്തയുടെ സംഘാടന രംഗത്ത് സൃഷ്ടിച്ച വിടവ് നികത്താനാവാത്തതാണെന്നും എസ് ഐ സി ഭാരവാഹികള്‍ അഭിപ്രായപ്പെട്ടു.

 

പരേതന്റെ പരലോക നന്മക്ക് വേണ്ടി എല്ലാവരും പ്രാര്‍ത്ഥിക്കണമെന്ന് എസ് ഐ സി ജിദ്ദ സെന്‍ട്രല്‍ കമ്മിറ്റി ഭാരവാഹികളായ സയ്യിദ് ഉബൈദുല്ല ഐദറൂസി തങ്ങള്‍ മേലാറ്റൂര്‍, നൗഷാദ് അന്‍വരി മോളൂര്‍, അബൂബക്കര്‍ ദാരിമി ആലമ്പാടി, നജ്മുദ്ധീന്‍ ഹുദവി കൊണ്ടോട്ടി എന്നിവര്‍ അഭ്യര്‍ത്ഥിച്ചു.