ബോര്‍ഡര്‍: ഗവാസ്‌കര്‍ ട്രോഫി ആദ്യ ടെസ്റ്റിന്റെ ഒന്നാം ഇന്നിങ്‌സില്‍ ഇന്ത്യയ്ക്ക് മേല്‍കൈ. ഓസ്‌ട്രേലിയയെ 177 റണ്‍സിനു പുറത്താക്കിയ ഇന്ത്യ രണ്ടാം ദിനം അവസാനിക്കുമ്പോള്‍ ഒന്നം ഇന്നിങ്‌സില്‍ 7 വിക്കറ്റ് നഷ്ടപ്പെടുത്തി 321 റണ്‍സ് എന്ന നിലയിലാണ്. ക്യാപ്റ്റന്‍ രോഹിത് ശര്‍മ (12) മുന്നില്‍ നിന്ന് നയിച്ചപ്പോള്‍ രവീന്ദ്ര ജഡേജ (66), അക്‌സര്‍ പട്ടേല്‍ (52) എന്നിവര്‍ പുറത്താവാതെ നില്‍ക്കുകയാണ്.

കന്നി ടെസ്റ്റ് കളിക്കുന്ന ടോഡ് മര്‍ഫി അഞ്ച് വിക്കറ്റ് നേട്ടം സ്വന്തമാക്കി. നിലവില്‍ ഇന്ത്യക്ക് 144 റണ്‍സ് ലീഡുണ്ട്. അര്‍ധസെഞ്ചുറിയുമായി രവീന്ദ്ര ജഡേജയും അക്ഷര്‍ പട്ടേലുമാണ് ക്രീസിലുള്ളത്. ജഡേജ 66 റണ്‍സെടുത്തും അക്ഷര്‍ 52 റണ്‍സ് നേടിയും പുറത്താവാതെ നില്‍ക്കുന്നു. ഇരുവരും ഇതുവരെ 81റണ്‍സിന്റെ എട്ടാം വിക്കറ്റ് കൂട്ടുകെട്ട് പടുത്തുയര്‍ത്തിയിട്ടുണ്ട്.

നായകന്‍ രോഹിത് ശര്‍മയുടെ തകര്‍പ്പന്‍ സെഞ്ചുറിയാണ് ഇന്ത്യയ്ക്ക് തുണയായത്. ഒരു വിക്കറ്റ് നഷ്ടത്തില്‍ 77 റണ്‍സ് എന്ന നിലയില്‍ രണ്ടാം ദിനം ബാറ്റിങ് ആരംഭിച്ച ഇന്ത്യയ്ക്ക് വേണ്ടി രോഹിത്തും നൈറ്റ് വാച്ച്മാനായി ക്രീസിലെത്തിയ അശ്വിനും ചേര്‍ന്ന് മികച്ച തുടക്കം സമ്മാനിച്ചിരുന്നു.