മുംബൈ: ഇന്ത്യന്‍ പ്രീമിയര്‍ ലീഗില്‍ ചെന്നൈയെ 8 വിക്കറ്റിന് തോല്‍പ്പിച്ച് സീസണിലെ ആദ്യ വിജയം സ്വന്തമാക്കി സണ്‍റൈസേഴ്‌സ് ഹൈദരാബാദ്. ചെന്നൈയുടെ 155 റണ്‍സ് വിജയലക്ഷ്യം 8 വിക്കറ്റും 14 ബോളും ബാക്കിയാക്കിയാണ് ഹൈദരാബാദ് ജയിച്ചത്.

ഓപ്പണര്‍ അഭിഷേക് ശര്‍മയുടെ അര്‍ധസെഞ്ച്വറിയുടെ കരുത്തിലാണ് ഹൈദരാബാദ് അനായാസം സ്‌കോര്‍ മറികടന്നത്. ക്യാപ്റ്റന്‍ കെയിന്‍ വില്യംസണ്‍ 32 റണ്‍സ് നേടിയപ്പോള്‍ രാഹുല്‍ ത്രിപാഠി 39 റണ്‍സെടുത്തു.

ചെന്നൈയ്ക്കായി മുകേഷ് ചൗധരിയും ഡ്വെയ്ന്‍ ബ്രാവോയും ഒരു വിക്കറ്റ് വീതം നേടി. നിശ്ചിത 20 ഓവറില്‍ 7 വിക്കറ്റ് നഷ്ടത്തിലായിരുന്നു 154 റണ്‍സ് എടുത്തിരുന്നത്.