കണ്ണൂര്‍: തുടര്‍ച്ചയായി മൂന്നാം തവണയും സീതാറാം യെച്ചൂരി സി.പി.എം ജനറല്‍ സെക്രട്ടറി. പ്രായപരിധി നിബന്ധനയുടെ പേരില്‍ എസ്. രാമചന്ദ്രന്‍ പിള്ള, ഹന്നന്‍ മുള്ള, ബിമന്‍ ബസു എന്നിവര്‍ പൊളിറ്റ് ബ്യൂറോയില്‍ നിന്ന് ഒഴിവായി.

എസ് രാമചന്ദ്രന്‍ പിള്ളയുടെ ഒഴിവിലേക്ക് കേരളത്തില്‍ നിന്ന് എ.വിജയരാഘവന്‍ പി.ബിയില്‍ എത്തും. കേന്ദ്ര കമ്മിറ്റിയിലെ എണ്ണം ഇത്തവണ കുറച്ചു. 85 അംഗ കേന്ദ്ര കമ്മിറ്റിയെയാണ് ഇത്തവണ തെരഞ്ഞെടുത്തത്.

ഇതില്‍ 15 പേര്‍ വനിതകളാണ്.വി.എസ് അച്യുതാനന്ദനും, പാലൊളി മുഹമ്മദ് കുട്ടിയും പ്രത്യേക ക്ഷണിതാക്കളായി തന്നെ കേന്ദ്ര കമ്മിറ്റിയില്‍ തുടരും.